პაკისტანის სამხრეთ-დასავლეთში, მაღაროში მომხდარი აფეთქების შედეგად 6 ადამიანი დაიღუპა. ინფორმაციას Aljazeera ავრცელებს.
ამავე ინფორმაციის მიხედვით, აფეთქების დროს მაღაროში 8 ადამიანი იმყოფებოდა. ორის გადარჩენა მოხერხდა. მათ ამოყვანას რამდენიმე საათი დასჭირდა.
აფეთქება მეთანის გაჟონვამ გამოიწვია. ამჟამად მაღაროში მუშაობა გაჩერებულია და უბედური შემთხვევის ყველა დეტალის გამოძიება ჩატარდება.
პაკისტანის მაღაროებში და სამთო-მომპოვებელ საწარმოებში უბედური შემთხვევები საკმაოდ ხშირად ხდება. უსაფრთხოების სტანდარტები იქ ძალზე დაბალ დონეზეა.