სექსუალური შევიწროების გამო აშშ-ში მაკდონალდსის თანამშრომლები გაიფიცნენ
1635359866
აშშ-ის 12 ქალაქში სწრაფი კვების გიგანტი კომპანიის, მაკდონალდსის თანამშრომლებმა რესტორნის წინააღმდეგ სექსუალური შევიწროებასთან დაკავშირებით საპროტესტო აქცია გამართეს. ინფორმაციას BBC ავრცელებს.
ორგანიზატორების თანამშრომლები, რომლებმაც 2018 წლიდან მოყოლებული შევიწროების გამო ხუთი გაფიცვა გამართეს, აცხადებენ, რომ მაკდონალდსი „ძირითადად უგულებელყოფს“ იმ პერსონალის წუხილს, რომლებიც სექსუალურ შევიწროებასთან დაკავშირებით ჩივიან.
მოლარეები და მზარეულები გამოვიდნენ ჩიკაგოში, დეტროიტში, ჰიუსტონსა და მაიამიში.
კომპანიაში აცხადებენ, რომ „სექსუალურ შევიწროებასა და თავდასხმას ადგილი არ აქვს“ მაკდონალდსში.
უცნობია, სულ რამდენი ადამიანი შეუერთდა გაფიცვას. საპროტესტო აქცია ხორციელდება სახელწოდებით „Fight for $15“, თანამშრომლებმა 2016 წლიდან დაწერეს 50-ზე მეტი საჩივარი მაკდონალდსის ქსელებში შევიწროების შესახებ.
„ბევრი არაფერი შეცვლილა“
აქციის მონაწილეები აცხადებენ, რომ ქსელი ნაკლებად აგვარებს რესტორნებში წარმოქმნილ პრობლემას. უფრო მეტიც, პროტესტის მონაწილეები აღნიშნავენ, რომ თანამშრომლებს, რომლებმაც აღნიშნული პრობლემის შესახებ განაცხადეს, სამუშაო საათები შეუმცირეს ან სამსახურიდან გაათავისუფლეს.
„მე ვაპირებ გაფიცვას, რადგან წლების განმავლობაში პროტესტის მიუხედავად, მაკდონალდსი კვლავ უარს ამბობს იმ უთვალავი ქალისა და მოზარდის წინაშე პასუხისმგებლობის აღებაზე, რომლებიც სამუშაოზე შევიწროებას განიცდიან მთელ მსოფლიოში“, - განაცხადა ჯამელია ფეირლიმ, მაკდონალდსის თანამშრომელმა ფლორიდაში.
