სირიაში საავადყოფოს დაბომბვის შედეგად 6 ადამიანი დაიღუპა
1616394788
6 ადამიანი დაიღუპა და 16 დაიჭრა სირიაში, ალეპოს პროვინციაში საავადმყოფოს დაბომბვის შედეგად. ამის შესახებ „ეხო კავკაზა“ იუწყება.
დაღუპულთა შორის ერთი ბავშვია. დაჭრილია 5 ექიმი.
საარტილერიო ცეცხლის გახსნა სირიის ჩრდილო-დასავლეთ ნაწილში ცეცსლის შეწყვეტის შესახებ შეთანხმების დარღვევას ნიშნავს, რომელიც თურქეთის და რუსეთის შუამავლობით გამოცხადდა.
თურქეთის თავდაცვის სამინისტროს ინფორმაციით, ცეცხლი საავადმყოფოს მიმართულებით სირიის სამთავრობო ძალებმა გახსნეს.
SOHR-ის ინფორმაციით, სირიაში, სადაც სამოქალაქო ომი 2011 წლიდან მიმდინარეობს, კონფლიქტს 388 ათასი ადამიანი ემსხვერპლა. 5,6 მილიონმა ადამიანმა თავისი საცხოვრებელი დატოვა.
