WHO: ჩინეთი მალარიისგან თავისუფალია
1625032523
ჯანდაცვის მსოფლიო ორგანიზაციამ ჩინეთს მალარიისგან თავისუფალი ქვეყნის სტატუსი მიანიჭა.
„ვულოცავთ ჩინელ ხალხს ქვეყნის მალარიისგან გათავისუფლებას. მათ წარმატებას ათწლეულების განმავლობაში მიზანმიმართული და მუდმივი მოქმედების შემდეგ მიაღწიეს,“- განაცხადა ჯანმოს გენერალურმა დირექტორმა.
ჩინეთი არის პირველი ქვეყანა ჯანმო-ს დასავლეთ წყნარი ოკეანის რეგიონში, რომელსაც მალარიისგან თავისუფალი სერტიფიკატი მიენიჭა.
შეგახსენებთ, 1940-იან წლებში ჩინეთში ყოველწლიურად მალარიის დაახლოებით 30 მილიონი შემთხვევა დასტურდებოდა. შემდეგ კი, მთავრობის მუშაობის შედეგად, შემთხვევებმა თანდათან კლება დაიწყო და 1990-იან წლებში შემთხვევების რაოდენობა ყოველწლიურად 117 000-მდე, დაღუპულთა რაოდენობა კი 95%-ით შემცირდა.
