ზელენსკი: დემოკრატიულ ინსტიტუტებზე თავდასხმას მკაცრად ვგმობთ
1610025686
უკრაინის პრეზიდენტი ვოლოდიმირ ზელენსკი ამერიკის შეერთებულ შტატებში 6 იანვარს განვითარებულ მოვლენებს გამოეხმაურა.
ვოლოდიმირ ზელენსკის თქმით, მკაცრად გმობს იმ ძალადობას, რომელიც ვაშინგტონში მოხდა.
„ჩვენ მკაცრად ვგმობთ მსოფლიოში უდიდესი დემოკრატიული ინსტიტუტის, აშშ-ის კონგრესის წინააღმდეგ განხორციელებულ ძალადობას. შტურმის შემდეგ, რამდენიმე საათში გამართულ ისტორიულ, ერთობლივ სხდომაზე კიდევ ერთხელ დადასტურდა ამერიკელი ხალხის ნება“, - წერს ზელენსკი „ტვიტერის“ ოფიციალურ გვერდზე.
ინფორმაციისთვის, 6 იანვარს აშშ-ში კონგრესმენების მიერ საარჩევნო ხმების დათვლასა და გადამოწმებას ტრამპის მომხრეების პროტესტი მოჰყვა.
დონალდ ტრამპის მხარდამჭერები კაპიტოლიუმში შეიჭრნენ და პროცესი შეაფერხეს.
კონგრესში მიმდინარე სხდომა შეჩერდა. ვაშინგტონში, კაპიტოლიუმის შენობიდან ვიცე-პრეზიდენტის, მაიკ პენსის ევაკუაცია განხორციელდა, სადაც მან სპეციალური სხდომა გახსნა.
✔️ კონგრესმა ჯო ბაიდენის გამარჯვება დაამტკიცა
✔️ „ბაიდენმა არჩევნები მოიგო და შედეგების შეცვლა წარუმატებელი იქნება“ - კინზინგერი
