„30 თუ 40 ათასი ლარის გამო ქვეყანა დაანგრიეს, ღირდა ამად?“ - ეკა ბესელია
1614330247
პარტია „სამართლიანობისთვის“ ლიდერი ეკა ბესელია 26 თებერვლის საპროტესტო აქციას უერთდება და მიაჩნია, რომ განურჩევლად პარტიული ინტერესებისა, ყველა ინდივიდუალური პროტესტის გამოსახატავად უნდა მივიდეს.
ბესელია ფიქრობს, რომ მმართველ გუნდს ძალიან მარტივად შეეძლო აღნიშნული პროტესტისგან თავის არიდება, მაგრამ ვერ შეძლეს და ახლა ყველა მათ მიერ შექმნილ ჩიხშია.
„ძალიან მარტივად გასააზრებელი იყო, როგორ შეიძლებოდა ამისგან თავის არიდება, მაგრამ ყველა ვართ „ქართული ოცნების“ მიერ შექმნილ ჩიხში. დიდი ხანია არ ვრეაგირებ „ქართული ოცნების“ კომენტარებზე, ისინი უკვე კოლექტიურ კობახიძეებს განასახიერებენ და არ აქვთ აღქმის და ანალიზის უნარი,“ - აცხადებს ბესელია.
მისი თქმით, მიმდინარე პროცესებში მთავარი არის საზოგადოება.
„ამ პროცესში მთავარი არის ჩვენი საზოგადოება. არ უნდა მიექცეს ყურადღება, ვის გვერდით ვიდგებით აქციაზე, მიმაჩნია, რომ ინდივიდუალურად ყველა უნდა გამოხატავდეს თავის პირად პროტესტს მიმდინარე მოვლენების მიმართ,! - განაცხადა ეკა ბესელიამ.
იგი მელიას საქმესაც ეხმიანება და უკვირს, რატომ უღირდა მმართველ გუნდს ფულის გამო ამ არეულობის შექმნა.
„არავის სჯერა, რომ მელიას მიმართ გამოტნილი გადაწყვეტილება სამართლიანი იყო.
30 თუ 40 ათასი ლარის გამო ქვეყანა დაანგრიეს, ღირდა ამად?
თანხის გადაუხდელობა არ არის პატიმრობის საფუძველი, თუ არ არსებობს დასაბუთება და ამ საქმეში არ არსებობდა დასაბუთება.“ - აცხადებს იგი.
ბესელია მიიჩნევს, რომ დღევანდელი პოლიტიკური მდგომარეობა მმართველი გუნდის დასასრულისკენ მიუთითებს.
„დიდი ხანია ოცნების დასასრულს ვხედავ, ეს უკვე ფინალია, გახარიას წასვლა იყო წერტილი, ღარიბაშვილის მოსვლამ კი მათი ნგრევის პროცესი დააჩქარა.
ოცნებამ თვითონ უნდა აირჩიოს მტკივნეულად გადავიდეს ოპოზიციაში, თუ ცივილური მეთოდით. ვადამდელი არჩევნების დანიშვნით.“ - აცხადებს ეკა ბესელია.
ინფორმაციისთვის, დღეს, „ნაციონალური მოძრაობის“ ლიდერის ნიკა მელიას მხარდასაჭერად გაერთიანებული ოპოზიცია აქციას გამართავს.
13:00 საათზე, ოპოზიციური პარტიების ლიდერები და მათი მხარდამჭერები ფილარმონიიდან საკანონმდებლო ორგანოს მიმართულებით საპროტესტო მსვლელობას, სახელწოდებით: „მსვლელობა თავისუფლებისთვის“ გამართავენ.
აქცია პარლამენტთან 15:00 საათზე, დაიწყება. აქციას შეუერთდება რეგიონებიდან ჩამოსული მხარდამჭერებიც, იგეგმება კარვების გაშლაც.
მომიტინგეები პარლამენტიდან მთავრობის ადმინისტრაციასთან გადანაცვლებას და საკუთარი პროტესტის მთავრობის სახლთან დაფიქსირებასაც გეგმავენ.
იხილეთ აგრეთვე:
„ხვალინდელი აქცია იქნება უწყვეტი პროტესტის დასაწყისი“ - გიგი უგულავა
