აკაკი ბობოხიძე: ოპოზიცია არ არის ნაციონალურ მოძრაობას აყოლილი

ბობოხიძის თქმით, ოპოზიცია ბიძინა ივანიშვილის ებრძვის არა როგორც ინდივიდს, არამედ როგორც პოლიტიკურ მოვლენას და ის თუ მართლა წავიდა, დარჩება მის მიერ შექმნილი სისტემა, რომლის დემონტაჟიც, როგორც ბობოხიძემ აღნიშნა, აუცილებელია.

ბობიხიძემ განაცხადა, რომ ბიძინა ივანიშვილის რეალურად წასვლით, ოპოზიციას ამოცანები გაუმარტივდება.

„სასაცილოა, როდესაც ოპოზიციის სისუსტეზე ლაპარაკობს ხელისუფლება, რომელიც არჩევნებში დამარცხდა. ოპოზიციას მისცა საქართველოს მოსახლეობამ ხმა, ოღონდ ამ ოპოზიციაში არის თუ არა ბიძინა ივანიშვილისთის მოსაწონი ძალები, ამას არ წყვეტს ბიძინა ივანიშვილი, ამას წყვეტს ის ამომრჩეველი, რომელიც თავისი გემოვნების მიხედვით აძლევს ხმას. ჩვენ არ ვებრძოდით ბიძინა ივანიშვილს, როგორც ინდივიდს და როგორც ერთ, კერძო კაცს, ჩვენ ბიძინა ივანიშვილის ვებრძვით როგორც პოლიტიკურ მოვლენას და ბიძინა ივანიშვილი მართლა წავა თუ არა, მის მიერ შექნილი სისტემა რჩება და ამ სისტემის დემონტაჟი აუცილებელია.

ასე, რომ ამოცანები პოლიტიკური ოპოზიციისათვის ჩემი აზრით არ იცვლება, ბიძინა ივანიშვილი, როგორც პოლიტიკური მოვლენა უნდა დამარცხდეს სისტემის დამარცხების სახით, ოღონდ თუ ბიძინა ივანიშვილი მართლა წავა, ეს უბრალოდ ამოცანებს გაგვიმარტივებს.

ბიძინა ივანიშვილს სურს, რომ მისი სურვილით დალაგდეს ოპოზიციაც და პოზიციაც, ოპოზიცია არ არის ნაციონალურ მოძრაობას აყოლილი, ქართველი ხალხის ძალიან დიდმა ნაწილმა გადაწყვიტა, რომ ოპოზიციაშიც ყველაზე დიდი ადგილი უჭირავს ნაციონალურ მოძრაობას და ეს არ არის ბიძინა ივანიშვილის გადასაწყვეტი.“ - განაცხადა ბობოხიძემ.

👉 ინფორმაციისთვის, 11 იანვარს ბიძინა ივანიშვილმა განაცხადა, რომ „ქართული ოცნების“ თავმჯდომარის პოსტი დატოვა და პოლიტიკიდან მიდის.

👉 „ქართული ოცნების“ ახალი თავმჯდომარის კანდიდატად მან ირაკლი კობახიძე დაასახელა.

იხილეთ აგრეთვე:

✔️ „ქარაქუცა წევრები თავის გარშემო მოიკითხოს“ - მამუკა ხაზარაზე ბიძინა ივანიშვილზე

✔️ პარლამენტში რომ შევიდა „ქართული ოცნება“ 2012 წელს, წყლის დასალევად ამოსვლა ეშინოდათ „ნაციონალური მოძრაობის“ წევრებს, ეგონათ, რომ მათსავით მოვექცეოდით - ივანიშვილი

✔️ უახლოეს 4-5 წელიწადში „ქართულ ოცნებას“ არაფერი მოუვა - ბიძინა ივანიშვილი