ალეკო ელისაშვილი შარლ მიშელის მიერ გაკეთებულ განცხადებას დამაბნეველს უწოდებს
1614610644
კომპრომისები სჭირდება ქვეყანას და დიალოგს ალტერნატივა არ აქვს - ამის შესახებ პარტია „მოქალაქეების“ ლიდერმა ალეკო ელისაშვილმა განაცხადა.
მისი განცხადებით, ევროპელებს არ ესმით რატომ არ შედის ოპოზიცია პარლამენტში.
„დღეს ძალიან სერიოზული შეხვედრა იყო, ასეთი მეგობრები ჩვენს ქვეყანას 90-ანების დასაწყისში რომ ჰყოლოდა, როგორი კარგი ქვეყანა ვიქნებოდით და ჩვენ არ დაგვატყდებოდა თავს ის რაც ქართველმა პოლიტიკოსებმა ერთმანეთს დაატეხეს უკომპრომისობით.
შეხვედრაზე ძალიან გულახდილი ლაპარაკი იყო და პირდაპირ იყო დაუფარავად მოწოდება, რომ ორივე მხარე უნდა წავიდეს კომპრომისზე.
არ ესმის ევროპელებს, რატომ არ შედის ოპოზიცია პარლამენტში, ასე პირდაპირ, არ ესმით... და კიდევ ბევრი რამ არ ესმით. კომპრომისები და დიალოგი ქვეყანას სჭირდება, დიალოგს ალტერნატივას არ აქვს,“ - აღნიშნა ალეკო ელისაშვილმა.
მისი თქმით, ორივე მხარე უნდა წავიდეს კომპრომისზე.
როგორც მან აღნიშნა, შარლ მიშელის მიერ გაკეთებული განცხადება მოულოდნელი და დამაბნეველი იყო.
აგრეთვე წაიკითხეთ: 👇
👉 „ვთავაზობ საქართველოს მთავრობას და ოპოზიციას, რომ დღეს საღამოს ჩემი ფასილიტაციით შევხვდეთ ერთმანეთს“
👉 „პრეზიდენტ შარლ მიშელს დავუდასტურეთ ხელისუფლების მტკიცე მზაობა პოლიტიკურ ძალებთან დიალოგისთვის“
👉 „ყველაფერს გავაკეთებ, რომ საქართველოს მალე ჰქონდეს ვაქცინის დოზებზე წვდომა“
