ანა დოლიძე: გახარია არის მარტო მოთამაშე, მას გუნდის წევრები არ ჰყავს
1610554182
„გიორგი გახარია არის მარტო მოთამაშე, მას არ ჰყავს თავისი გუნდის წევრები. გამოჩნდება მართლაც პრემიერი გახარია რამდენად არის ნამდვილი პრემიერი. თუმცა საკითხავია, როგორ შეიძლება ირაკლი კობახიძე იყოს პარტიის თავმჯდომარე, როცა ის არის კახა კალაძის შერჩეული კადრი“, - ამის შესახებ მოძრაობა „ხალხისთვის“ ლიდერმა ანა დოლიძემ სატელევიზიო ეთერში სტუმრობისას განაცხადა.
მისი თქმით, თუ ბიძინა ივანიშვილი პოლიტიკიდან ნამდვილად წავა, ეს ქვეყნისთვის მნიშვნელოვანი პოზიტიური ცვლილება იქნება.
„თუ გამოვიდა და დავასრულებთ ჩრდილოვან მმართველობას, ეს ჩვენი სახელმწიფოსთვის წარმატება იქნება. წარმატება ერთი გაგებით, რომ ვინც მართავს ქვეყანას, ის მიიღებს ძალაუფლების სარგებელს და ასევე აიღებს პასუხისმგებლობას მარცხზე. ამას გიორგი გახარიას მაგალითზე დავინახავთ“, - აღნიშნა ანა დოლიძემ.
👉 ინფორმაციისთვის, 11 იანვარს ბიძინა ივანიშვილმა განაცხადა, რომ „ქართული ოცნების“ თავმჯდომარის პოსტი დატოვა და პოლიტიკიდან მიდის.
👉 „ქართული ოცნების“ ახალი თავმჯდომარის კანდიდატად მან ირაკლი კობახიძე დაასახელა.
აგრეთვე წაიკითხეთ:
„ივანიშვილი რომ მართლა წავიდეს, „ქართულ ოცნებაში“ კატასტროფა მოხდება“ - იაგო ხვიჩია
