„არ ყოფილა შემთხვევა, როდესაც სამართლიან პროტესტს შედეგი არ გამოეღოს“- ბადრი ჯაფარიძე
1614331734
„ჩვენ გვსურს, რომ გავაერთიანოთ საზოგადოება კონკრეტული მოთხოვნების ირგვლივ. ჩვენი პროტესტის მიზანიც ეს არის“- აცხადებს პარტია „ლელო საქართველოსთვის“ გენერალური მდივანი ბადრი ჯაფარიძე.
იგი ამჟამად გაერთიანებული ოპოზიციის აქციაზე იმყოფება.
„ჩვენი მიზანი რჩება იგივე რაც იყო ოქტომბრის არჩევნების შემდგომ.
კონკრეტული მიზანია ვადამდელი არჩევნების დანიშვნა, პოლიტიკური დევნის შეწყვეტა ამ ქვეყანაში ერთხელ და სამუდამოდ, პოლიტიკურად მოტივირებული სისხლის სამართლის შეწყვეტა, რეფორმა მართლმსაჯულების, რეფორმა საარჩევნო კანონმდებლობის, რეფორმა საარჩევნო ადმინისტრაციის, ამ ყოველივეს განხორციელების შემდეგ ქვეყანა დაადგება ნორმალური განვითარების გზას.
ჩვენ გვსურს, რომ გავაერთიანოთ საზოგადოება ამ მოთხოვნების ირგვლივ. ჩვენი პროტესტის მიზანიც ეს არის.
არ ყოფილა შემთხვევა, როდესაც მუდმივ სამართლიან პროტესტს შედეგი არ გამოეღოს.
მე მინდა, რომ პასუხისმგებლობა გაითავისონ „ქართული ოცნების“ წევრებმა, იმ ვითარებაზე, რაც ქვეყანაში ხდება.
არსებული ვითარებიდან გამოსავალი პოლიტიკური შეთანხმებაა“- აღნიშნავს ბადრი ჯაფარიძე.
ინფორმაციისთვის, გაერთიანებული ოპოზიციის მიერ დაგეგმილი აქცია-მსვლელობა ფილარმონიის დიდი საკონცერტო დარბაზის მიმდებარე ტერიტორიიდან უკვე დაიწყო.
ადგილზე შეკრებილები არიან გაერთიანებული ოპოზიციის წარმომადგენლები, მათი მხარდამჭერები და სამოქალაქო აქტივისტები. მათი მოთხოვნაა „ნაციონალური მოძრაობის“ ლიდერი ნიკა მელია გათავისუფლდეს.
იხილეთ აგრეთვე:
✔️„თავისუფლებისთვის“ - ფილარმონიიდან ოპოზიციის აქცია- მსვლელობა დაიწყო
✔️„30 თუ 40 ათასი ლარის გამო ქვეყანა დაანგრიეს, ღირდა ამად?“ - ეკა ბესელია
✔️„ქვეყანას სჭირდება გადატვირთვა, ამის ერთადერთი გზა არის რიგგარეშე არჩევნები“- მამუკა ხაზარაძე
