დავით ზალკალიანი სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელს შეხვდა

როგორც ევროკავშირის წარმომადგენელმა შეხვედრის დასრულების შემდეგ განაცხადა, შეხვედრაზე აფხაზეთში დაგეგმილ ვიზიტისა და დღეს გალის რაიონში მომხდარი უბედური შემთხვევის შესახებ ისაუბრეს.

ასევე განიხილეს რეგიონში მიმდინარე სხვა მოვლენები, მათ შორის, სომხეთ-აზერბაიჯანს შორის არსებული ვითარება და ქვეყანაში არსებულ პოლიტიკური გამოწვევები.

„გვქონდა შესანიშნავი შეხვედრა მინისტრ ზალკალიანთან. განვიხილეთ მნიშვნელოვანი საკითხები, მათ შორის ჩემი ხვალ დაგეგმილი ვიზიტი აფხაზეთში, ასევე განვითარების პერსპექტივები, ის გამოწვევები, რომლებიც ადგილობრივი მოსახლეობის წინაშე დგას. ამასთან, ვისაუბრეთ საზღვრის კვეთასთან დაკავშირებით და ყურადღება გავამახვილეთ დღევანდელ ტრაგიკულ ინციდენტზე, ენგურის მდინარეში გარდაცვლილ პირებთან დაკავშირებით.

ჩვენ ასევე განვიხილეთ რეგიონში მიმდინარე მოვლენები, მათ შორის სომხეთ-აზერბაიჯანს შორის არსებული სიტუაცია, ის, თუ როგორია საქართველოს ხედვა ამ მიმართულებით და ჩვენ, როგორც ევროკავშირი, რამდენად შეიძლება ვიყოთ დამხმარეები ამ კუთხით.

ყურადღება გავამახვილე იმაზეც, რომ ძალიან მნიშვნელოვანია, რომ ქვეყნის შიგნით არსებული პოლიტიკური გამოწვევები, რომელთა გადაჭრაშიც ევროკავშირი ძალიან აქტიურად იყო ჩართული, რაც შეიძლება მალე უნდა იქნას გადაწყვეტილი“,- განაცხადა კრიზისის საკითხებში ევროკავშირის სპეციალურმა წარმომადგენელმა.

აგრეთვე იხილეთ:

📌„ოკუპირებულ რეგიონებში მცხოვრები ადამიანები რუსეთის ოკუპაციის მძევლებად იქცნენ“ - საგარეო საქმეთა სამინისტრო