მთავარი

ძიება

ვიდეო

ქვიზები

კონტაქტი

გიორგი გახარია: ერთიანი ძალისხმევით კორონავირუსის დამარცხება შესაძლებელია

გახარია მთავრობის ადმინისტრაციაში

საქართველოს პრემიერ-მინისტრი გიორგი გახარია Facebook-ის მეშვეობით ჯანმრთელობის მსოფლიო დღეს ეხმიანება და აღნიშნავს რომ ერთობლივი ძალისხმევით კორონავირუსის დამარცხება შესაძლებელია

„დღეს ჯანმრთელობის მსოფლიო დღეა. დღეს მთელი მსოფლიო გლობალური პანდემიის წინაშეა და განურჩევლად იმისა, თუ რამდენად ძლიერია ეკონომიკურად ესა თუ ის სახელმწიფო, ადამიანების სიცოცხლის და ჯანმრთელობის გადასარჩენად ყველას რთული ბრძოლა გვიხდება. დღეს ამ პრობლემის წინაშე ყველა ქვეყანა თუ ადამიანი თანასწორია.

რა თქმა უნდა, ერთიანი ძალისხმევით, ქართველი ექიმების თავდაუზოგავი შრომით და პროფესიონალიზმით, ჩვენ ამ გამოწვევასაც დავძლევთ, გავიმარჯვებთ და ყველაფერს გავაკეთებთ, რომ რაც შეიძლება მალე დავუბრუნდეთ ცხოვრების ჩვეულ რიტმს.

ჩვენ კი გავუფრთხილდეთ არა მხოლოდ საკუთარ თავს, არამედ ჩვენს მშობლებს, ოჯახსა და ახლობლებს. გავუფრთხილდეთ ჩვენს გმირ ექიმებს, რომლებიც დღეს თავდაუზოგავად იბრძვიან ჩვენი ჯანმრთელობისთვის. დარჩით სახლში!“- აღნიშნავს პრემიერ-მინისტრი.