პოლიტიკა

ინაშვილი: ჩვენი წინადადებების პაკეტი მკაფიოდ ამბობს, რომ არჩევნები გაზაფხულზე უნდა დაინიშნოს

პატრიოტთა ალიანსი
1607094698
დაკოპირებულია

„პატრიოტთა ალიანსის“ გენერალურმა მდივანმა ირმა ინაშვილმა განმარტა, თუ რატომ არ მიიღეს მონაწილეობა „პატრიოტებმა“ ფასილიტატორ ელჩებთან გამართულ შეხვედრაში.

ინაშვილის თქმით, „პატრიოტთა ალიანსი“ დამოუკიდებლად მოქმედებს და მკაფიოდ აქვს გაწერილი წინადადებების პაკეტი.

ინაშვილი ხაზგასმით აღნიშნავს და ამბობს, რომ მიმდინარე პროცესებში დიდი ძალისხმევა ჩადეს საერთაშორისო პარტნიორებმა.

„რა თქმა უნდა, არ იყო ჩვენი ხელმოწერა იმიტომ, რომ მუდმივად ხაზს ვუსვამდით და დღესაც ხაზს ვუსვამთ იმას, რომ „პატრიოტთა ალიანსი“ აბსოლუტურად დამოუკიდებლად მოქმედებს. არავითარ ფორმატში ჩვენ არ ვმონაწილეობთ. ჩვენ გვაქვს ჩვენი სტრატეგია, ჩვენი ტაქტიკა და წინადადებების ჩვენი პაკეტი, რასაც ინტენსიურ რეჟიმში ვუზიარებ ჩვენს საერთაშორისო პარტნიორებს.

წინადადებების პაკეტი არაერთგზის გავაცანი როგორც ამერიკის შეერთებული შტატების ელჩს, ისე ევროკავშირის ელჩს. დიდი ყურადღება იყო იმაზე გამახვილებული, თუ რატომ არ ესწრებოდა დღევანდელ შეხვედრას „პატრიოტთა ალიანსი“.

ინდივიდუალურ რეჟიმში გვაქვს შეხვედრები. ხაზს ვუსვამ იმას, რომ უაღრესად ვაფასებ ამ პროცესში მათ ძალისხმევას, ძალიან დიდი შრომა გასწიეს, რომ ბოლოს და ბოლოს პოლიტიკური სპექტრი მივიდეს შეთანხმებამდე. რა მოხდება ჯერ არავინ იცის. ჩვენ „პატრიოტთა ალიანსი“ პირველივე დღეს არჩევნების გაყალბების დასრულებისთანავე ვამბობდით, რომ გაყალბდა არჩევნები და ერთადერთი გზა, რომ პოლიტიკური კრიზისიდან გამოვიდეთ, არის ხელახალი არჩევნები.

არა შემოდგომაზე, ჩვენი წინადადებების პაკეტი მკაფიოდ ამბობს, რომ არჩევნები უნდა დაინიშნოს 2021 წლის გაზაფხულზე, მაისში. ამავდროულად ჩვენთვის მნიშვნელოვანია ცენტრალური საარჩევნო კომისიის რეფორმა, ასევე, მნიშვნელოვანია არჩევნებში მონაწილეობა გახდეს სავალდებულო, გაყალბების მასშტაბი რომ შემცირდეს“, - აღნიშნა ინაშვილმა სატელევიზიო ეთერში.

ინფორმაციისთვის, დღეს, 4 დეკემბერს აშშ-ისა და ევროკავშირის ელჩებთან ოპოზიციური სპექტრის მორიგი შეხვედრა გაიმართა. ოპოზიციონერმა ლიდერებმა შეხვედრის დასრულების შემდეგ განაცხადეს, რომ ელჩებს მკაფიოდ გაწერილი წინადადებები გადასცეს. თუ რა პუნქტებზეა საუბარი, დაკონკრეტებისგან ოპოზიციონერებმა თავი შეიკავეს.

👉 2020 წლის საპარლამენტო არჩევნები 31 ოქტომბერს გაიმართა. 21 ნოემბერს კი, 17 საარჩევნო მაჟორიტარულ ოლქში მეორე ტური ჩატარდა. მეორე ტური ოპოზიციის ბოიკოტის ფონზე გაიმართა.

👉 საპარლამენტო არჩევნები განახლებული მოდელით, 120/30-ზე ჩატარდა, რაც იმას ნიშნავს, რომ პროპორციული სიით პარლამენტში 120 დეპუტატი შედის, 30 კი, მაჟორიტარი იქნება.

👉 პარლამენტში შესასვლელად 1%-იანი ბარიერი 8 ოპოზიციურმა პარტიამ გადალახა, თუმცა არცერთი მათგანი არჩევნების შედეგებს არ აღიარებს. ისინი საპარლამენტო მანდატებზე უარს ამბობენ.

პალაუს დროშა

შავ ზღვაში გემი ჩაიძირა

თურქეთის გუბერნატორის თქმით, 17 იანვარს შავ ზღვაში პალაუს დროშის ქვეშ მოძრავი სატვირთო გემი ჩაიძირა. ინფორმაციას „hurriyetdailynews“ ავრცელებს.

მოსკოვში შერემეტოვოს აეროპორტში ალექსეი ნავალნისთან პასპორტ კონტროლის დროს პოლიცია მივიდა და მოსთხოვეს მათ გაჰყოლოდა. 

1610907219

არასამთვრობო ორგანიზაცია საიას თავმჯდომარედ ასოციაციის გამგეობამ ნიკოლოზ სიმონიშვილი აირჩია. გამეგობის სხდომა დღეს გაიმართა. დღესვე საიას თავმჯდომარის მოადგილედ გვანცა საკანელაშვილი აირჩიეს. ინფორმაციას საია ავრცელებს.

1610905716

მოსკოვში „ვნუკოვოს აეროპორტში“, სადაც ალექსეი ნავალნის მხარდამჭერები ელოდებოდნენ, მოულოდნელად რამდენიმე საათით დაიხურა და თვითმფრინავებს არ იღებს.

1610902736

OMON–ის ოფიცრები ცდილობენ მოსკოვში ვნუკოვოს აეროპორტში ხალხი დაშალონ, რომლებიც ვნუკოვოს აეროპორტის შესასვლელში ალექსეი ნავალნის ელოდებიან. ამის შესახებ „მედუზა“ იუწყება.

1610900654
ვოლსკი პარლამენტში

გია ვოლსკი: მანდატების გაუქმება გარდაუვალი იქ...

„მეხუთე რაუნდთან დაკავშირებით ჩვენი წინადადება უცვლელია, თუ საუბარია ვადამდელ, ან განმეორებით არჩევნებზე“ - განაცხადა ჟურნალისტებთან პარლამენტის პირველმა ვიცე-სპიკერმა, გია ვოლსკიმ.

მისი თქმით, ამის საფუძველს ქმნის მხოლოდ კომპეტენტური კომისიის მიერ გაკეთებული დასკვნები, რომელსაც ვერანაირად ვერ გააყალბებ.

ზურაბ ჯაფარიძე: არ მჯერა, რომ ივანიშვილი...

„არ მჯერა, რომ ის სადმე წასვლას აპირებდეს ან საფრანგეთში ან ნებისმიერ სხვა ქვეყანაში. პირიქით მგონია, რომ იმდენად დარწმუნებულია საკუთარ უსაფრთხოებაში, მათ შორის ეგ არის მთავარი მიზეზი რის გამოც გადადგა ეს ნაბიჯი და გაიწია პოლიტიკის წინა ხაზებიდან.

მგზავრთა ტრანსპორტირების მიზნით გუდაური-...

მხოლოდ მგზავრთა ტრანსპორტირების მიზნით გუდაური-კობის დამაკავშირებელი საბაგიროები ჩაირთო.

მიტროპოლიტი თეოდორე: არ შეიძლება, რომ ვა...

ახალციხის და ტაო-კლარჯეთის მიტროპოლიტი თეოდორეს განცხადებით, აუცილებელია, რომ კორონავირუსის კონკრეტული პრეპარატების შესახებ იყოს საუბარი და ახსნა, თუ რა უკუჩვენებები გააჩნიათ მათ, როგორ იცავენ ისინი ადამიანებს. მისი თქმით, არ შეიძლება ვაქცინას უკუჩვენებები არ ჰქონდეს.