„ირაკლი ღარიბაშვილს გულწრფელად ვთხოვე, რომ მომცეს საშუალება დავუბრუნდე ჩემს ოჯახს“ - მაია ცქიტიშვილმა მთავრობა დატოვა
1613743983
„მე და ბატონი ირაკლი ღარიბაშვილი ერთმანეთს 15 წელია ვიცნობთ, ამ ფაქტით ბოროტად ვისარგებლე და გულწრფელად ვთხოვე მას, რომ მომცეს საშუალება დავუბრუნდე ჩემს ოჯახს,“ - ამის შესახებ რეგიონული განვითარებისა და ინფრასტრუქტურის ყოფილმა მინისტრმა მაია ცქიტიშვილმა განაცხადა.
იგი, ასევე, მადლობას უხდის გიორგი გახარიას.
„მადლობა ბატონ გიორგი გახარიას, საინტერესო დატვირთული პერიოდი იყო ვიცე-პრემიერის პოსტზე ყოფნისას.“ - აცხადებს ცქიტიშვილი.
იგი კმაყოფილებას გამოთქვამს, რომ „ქართული ოცნების“ გუნდი სრული შემადგენლობით განაგრძობს მუშაობას.
„მიხარია, რომ გუნდი სრული შემადგენლობით აგრძელებს მუშაობას.
მადლობა „ქართული ოცნების“ დამფუძნებელ ბიძინა ივანიშვილს.“ - განაცხადა ცქიტიშვილმა.
ინფორმაციისთვის, რამდენიმე წუთის წინ ირაკლი ღარიბაშვილმა რეგიონული განვითარებისა და ინფრასტრუქტურის მინისტრის პოსტზე ირაკლი ქარსელაძის კანდიდატურა წარადგინა, ხოლო, თავდაცვის მინისტრის პოსტზე - ჯუანშერ ბურჭულაძის კანდიდატურა. მთავრობის დანარჩენი წევრები უცვლელია.
აგრეთვე იხილეთ:
ირაკლი ღარიბაშვილმა პარლამენტს მთავრობის ახალი შემადგენლობა წარუდგინა
