კახა კალაძე: იმედი მაქვს, ოპოზიციურ პარტიებთან მოლაპარაკების პროცესი წარმატებით დასრულდება
1606923510
დედაქალაქის მერმა კახა კალაძემ ქვეყანაში არსებულ პოლიტიკურ ვითარებასა და ოპოზიციის პარლამენტში შესვლასთან დაკავშირებით ჟურნალისტებთან საუბრისას კომენტარი გააკეთა.
„პარლამენტში შესვლას რაც შეეხება ვიცით, რომ მოლაპარაკებები მიმდინარეობს. ძალიან დიდი იმედი მაქვს, რომ ეს პროცესი დადებითად და წარმატებით დასრულდება.
ვიმედოვნებ, ყველა პოლიტიკური პარტია მიიღებს სწორ გადაწყვეტილებას პარლამენტში შესვლასთან დაკავშირებით, რაც ძალიან მნიშვნელოვანია დემოკრატიული წინსვლისა და განვითარებისთვის“, - განაცხადა კახა კალაძემ.
👉 ინფორმაციისთვის, მთელი ოპოზიცია მიიჩნევს, რომ 2020 წლის საპარლამენტო არჩევნების შედეგები გაყალბდა.
👉 ოპოზიციურმა პარტიებმა, რომლებმაც 1%-იანი ბარიერი გადალახეს, საპარლამენტო მანდატების გამოყენებაზე უარი განაცხადეს.
👉 ხელისუფლებისა და ოპოზიციის წარმომადგენლებს შორის, პარლამენტში შესვლის თაობაზე მოლაპარაკება ფასილიტატორი ელჩების ჩართულობით მიმდინარეობს.
