„ქართული ოცნება“ დღეს საარჩევნო სიის პირველი ოცეულის პრეზენტაციას გამართავს
1599713469
პოლიტიკური გაერთიანება „ქართული ოცნება – დემოკრატიული საქართველო“ 2020 წლის საარჩევნო სიის პირველი ოცეულის პრეზენტაციას დღეს გამართავს.
როგორც პარტიის პრესსამსახურის მიერ გავრცელებულ ინფორმაციაშია აღნიშნული, პრეზენტაციაზე მმართველი გუნდი მომავალ პრემიერ-მინისტრსა და პარლამენტის თავმჯდომარესაც დაასახელებს.
მათივე ინფორმაციით, წარდგენა მთაწმინდის პარკში, ფუნიკულიორის მიმდებარე ტერიტორიაზე 20:00 საათზე გაიმართება.
ინფორმაციისთვის, 2020 წლის საპარლამენტო არჩევნები 31 ოქტომბერს გაიმართება.
