ხაზარაძე: არავისთან მოლაპარაკებას არ ვაპირებთ, მანამ სანამ არ ჩატარდება ახალი არჩევნები
1604836717
რუსთაველზე ოპოზიციის მასშტაბურ აქციას „ლელოს“ თავმჯდომარე მამუკა ხაზარაძეც შეუერთდა და აქციის მონაწილეებს სიტყვით მიმართა.
„ლელოს“ თავმჯდომარემ მამუკა ხაზარაძემ აქციაზე განაცხადა, რომ სანამ არ ჩატარდება ახალი არჩევნები, არ შეიცვლება ცესკო და ხელისუფლება არ აღიარებს, მოტყუებით წაართვეს ადამიანებს ხმის უფლება, არანაირი მოლაპარაკება მმართველ გუნდთან პარლამენტში შესვლაზე არ იქნება.
„არავისთან მოლაპარაკებას არ ვაპირებთ, მანამ სანამ არ ჩატარდება ახალი არჩევნები და ცესკო და ხელისუფლება არ აღიარებს, რომ ადამიანებს ხმის უფლება წაართვეს“, - განაცხადა მამუკა ხაზარაძემ.
„ლელოს“ დამფუძნებლის თქმით, ამ ქვეყანაში უნდა დამთავრდეს სიყალბე, და ხმების ქურდობა. სწორედ ამის შემდეგ მიეცემა საქართველოს საშუალება აღმშენებლობა დაიწყოს.
„პროტესტი არის სამართლიანი. ამ ქვეყანაში არჩევნები გააყალბეს, მომავლის პერსპექტივა წაართვეს ჩვენ ქვეყანას. ყველაფერი ეს ემსახურება ერთ რამეს, რომ ამ ქვეყანაში დამთავრდეს სიყალბე, ტყუილი, ხმების ქურდობა და ამ ქვეყანას მიეცეს საშუალება, რომ დაიწყოს აღმშენებლობა. სანამ არ ჩატარდება ახალი არჩევნები, სანამ არ შეიცვლება ცესკო, სანამ ეს ხელისუფლება არ აღიარებს, რომ ძალიან ცუდად, მოტყუებით, მუხანათურად წაართვეს ადამიანებს ხმის უფლება, არანაირი მოლაპარაკება არ იქნება. ეს დამთავრებული ამბავია! ჩვენ აქ არ ვლაპარაკობთ ოპოზიციის თემაზე, ვლაპარაკობთ რიგითი ამომრჩევლის უფლებების დაცვაზე. დემოკრატიის წესებზე ვსაუბრობთ აქ და არაფერ შუაშია ოპოზიციასთან მოლაპარაკება - არმოლაპარაკება“, - განაცხადა ხაზარაძემ.
📌 დღეს, 8 ნოემბერს ოპოზიციიის წარმომადგენლები და მათი მომხრეები პარლამენტის წინ მასშტაბურ აქციას მართავენ. ისინი 2020 წლის არჩევნების შედეგებს გაყალბებულად მიიჩნევენ.
აგრეთვე, დაგაინტერესებთ:
👉 ოპოზიციის აქცია პარლამენტთან
