"ოპოზიცია ძალიან გაბრაზებულია, მაგრამ მთავარი გაბრაზება ოქტომბერში გელოდებათ", - ასე მიმართა საპარლამენტო უმრავლესობის წევრმა დიმიტრი ხუნდაძემ პარლამენტში სხდომაზე ოპოზიციის წარმომადგენლებს.
სხდომაზე, სადაც პრემიერ-მინისტრი გიორგი გახარია ინტერპელაციის წესით არის მისული, ოპოზიცია ხელისუფლების მიმართ მწვავედ კრიტიკულ პოზიციას აფიქსირებს.
"ოპოზიციის წარმომადგენლებს ვხედავ, რომ ძალიან გაბრაზებულები არიან, განსაკუთრებით ბოლო 2 დღე, მაგრამ ყველა საფუძველი გაქვთ თქვენ ამისათვის, რომ არ იყოთ მშვიდად. თუმცა, მთავარი გაბრაზება თქვენ გელოდებათ ოქტომბერში", - მიმართა ოპოზიციონერ დეპუტატებს დიმიტრი ხუნდაძემ.