მთავარი

ძიება

ვიდეო

ქვიზები

კონტაქტი

მაია ბითაძე: სამწუხაროა, რომ საზოგადოების ერთი ნაწილი ოპოზიციის ხელმძღვანელობით, არ დაემორჩილა მთავრობის და ეპიდემიოლოგების რეკომენდაციებს

„ქართული ოცნების“ საარჩევნო სიის პირველი ოცეულის წევრი

„ძალიან სამწუხაროა, რომ საზოგადოების ერთი ნაწილი ოპოზიციის ხელმძღვანელობით, ბოლომდე არ დაემორჩილა მთავრობის და ეპიდემიოლოგების რეკომენდაციებს და საპროტესტო აქციებმა თავისი შედეგი გამოიღო“ - განაცხადა „ქართული ოცნების“ საარჩევნო სიის წევრმა მაია ბითაძემ.

მისი თქმით, ოპოზიცია არასერიოზულად უდგება არა მხოლოდ იმ მანდატს, რაც მათ საზოგადოებამ მიანიჭა, ის არასერიოზულად უდგება პანდემიას.

„ოპოზიცია არასერიოზულად უდგება არა მხოლოდ იმ მანდატს, რაც მათ საზოგადოებამ მიანიჭა, იმისთვის რომ იმუშაონ საკანონმდებლო ორგანოში და შეასრულონ თავისი ვალდებულება, ის არასერიოზულად უდგება პანდემიას, რაც ძალიან სამწუხაროა. მათთვის ნებისმიერი თემა შეიძლება იქცეს პოლიტიკური ბრძოლის საგნად, რაც კიდევ ერთხელ აჩვენებს ქვეყნისადმი მათ არასერიოზულ დამოკიდებულებას,“ - განაცხადა მაია ბითაძემ.