მაიკ პომპეოს 17 საათი თბილისში - (ფოტო/ვიდეო)
1605695148
აშშ-ის სახელმწიფო მდივნის მაიკ პომპეოს ვიზიტი საქართველოში დასრულდა. ოფიციალური შეხვედრები, გზავნილები, ოპოზიციის მდუმარე აქცია - დღის მოკლე შეჯამება.
მაიკ პომპეო საქართველოში 17 ნოემბერს ჩამოვიდა. თბილისის საერთაშორისო აეროპორტში მას საგარეო საქმეთა მინისტრი დავით ზალკალიანი, საქართველოს ელჩი ამერიკაში, დავით ბაქრაძე და ამერიკის ელჩი კელი დეგნანი დახვდნენ.
პომპეომ საქართველოში ჩამოსვლის შემდეგ „ტვიტერში“ დაწერა, რომ თბილისში ყოფნით აღფრთოვანებულია.
18 ნოემბერს, პირველი ოფიციალური შეხვედრა საქართველოს პრეზიდენტთან სალომე ზურაბიშვილთან გამართა.
„მშვიდობიანი, სტაბილური და დემოკრატიული კავკასია ჩვენს რეგიონს და მსოფლიოს სჭირდება“, - ეს შეფასება საქართველოს პრეზიდენტმა სალომე ზურაბიშვილმა აშშ-ის სახელმწიფო მდივანთან მაიკ პომპეოსთან შეხვედრისას გააკეთა.
მორიგი შეხვედრა პრემიერ-მინისტრ გიორგი გახარიასთან გაიმართა.
„ჩვენი თანამშრომლობისა და პარტნიორობის გაძლიერების მომენტი დადგა“- მიმართა გიორგი გახარიამ მაიკ პომპეოს შეხვედრაზე.
„ვმუშაობთ თემებზე, რომლებიც თქვენი ქვეყნის ოკუპაციას უკავშირდება“ - მიმართა მაიკ პომპეომ გიორგი გახარიას.
გიორგი გახარია მაიკ პომპეოს თბილისში მასპინძლობს.
მაიკ პომპეოს შეხვედრა საქართველოს კათოლიკოს-პატრიარქთან, ილია მეორესთან.
აშშ-ის სახელმწიფო მდივანი არასამთავრობო ორგანიზაციების წარმომადგენლებს შეხვდა.
თბილისში მაიკ პომპეოს ვიზიტი მდუმარე აქციის ფონზე მიმდინარეობდა.
მაიკ პომპეომ საქართველო დატოვა.
