მაკა ბოჭორიშვილი ევროკავშირის სპეციალურ წარმომადგენელს შეხვდა
1611576700
ევროპასთან ინტეგრაციის კომიტეტის თავმჯდომარე, მაკა ბოჭორიშვილი სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელ ტოივო კლაარს შეხვდა,- ამის შესახებ ინფორმაციას საქართველოს პარლამენტი ავრცელებს.
როგორც შეხვედრის შემდეგ მაკა ბოჭორიშვილმა განაცხადა, მხარეებმა მიმოიხილეს ზოგადად რეგიონში არსებული სიტუაცია და საქართველოს წინაშე მდგარი გამოწვევები, ასევე ოკუპირებულ რეგიონებში არსებული მდგომარეობა.
შეხვედრაზე, საუბარი შეეხო პანდემიის პირობებში არსებულ გამოწვევებს.
მათივე ცნობით, მხარეებმა ისაუბრეს ჟენევის საერთაშორისო მოლაპარაკებებისა და მისი მნიშვნელობის თაობაზე, ევროპასთან ინტეგრაციის კომიტეტის თავმჯდომარემ მოლოდინი გამოხატა, რომ მომდევნო რაუნდი მარტში გაიმართება და შესაძლებელი იქნება მასში ყველა მხარემ მიიღოს მონაწილეობა.
შეხვედრაზე საუბარი შეეხო ევროკავშირის ჩართულობას რუსეთ-საქართველოს კონფლიქტის მშვიდობიან რეგულირებაში.
