მამუკა ხაზარაძე: ბაიდენს რომ ვუსმენდი, მეგონა ჩვენი პროგრამა ჰქონდა
1611175578
პარტია „ლელო საქართველოს“ ლიდერმა მამუკა ხაზარაძემ აშშ-ს 46-ე პრეზიდენტის ინაუგურაციასთან დაკავშირებით კომენტარი გააკეთა.
მისი თქმით, ჯო ბაიდენის სიტყვით გამოსვლამ საკუთარი პროგრამა მოაგონა.
„ბაიდენს რომ ვუსმენდი, მეგონა, ჩვენი პროგრამა ჰქონდა, ასე ვთქვათ. ეს არის ჩვენი პროგრამა, რომელიც მარშალის გეგმაშიც ასახული იყო“, – განაცხადა ხაზარაძემ.
„პოლიტიკაში არ მოვსულვარ იმისთვის, რომ თბილი ადგილი მოვძებნო. ეს არასდროს მქონია ცხოვრებაში და ამის არც მიზანია მქონია. მოვედი იმისთვის, რომ ხელებდაკაპიწებულმა მივაღწიო თითოეულ თქვენგანთან ერთად, აზრთა სხვადასხვაობის მიუხედავად, მივაღწიო ამ ქვეყნის გაერთიანებას.
ეს არის ჩემი ძალიან დიდი მიზანი. დიდი მიზანი და ამბიცია თუ არ გაქვს, პოლიტიკასაც თავი უნდა დაანებო. ჩვენ გვაქვს დიდი გამოწვევა – ქვეყნის გაერთიანება და დიდი გამოწვევა – ქვეყნის ეკონომიკური სიძლიერე“, – განაცხადა მამუკა ხაზარაძემ.
ინფორმაციისთვის, 20 იანვარს ჯო ბაიდენი ამერიკის 46-ე პრეზიდენტი ოფიციალურად გახდა.
იხილეთ აგრეთვე:
❗ოფიციალურად! ჯო ბაიდენი ამერიკის პრეზიდენტია
