ნათელაშვილი საგარეო უწყებაში თურქეთის საგანგებო ელჩის გამოძახებას ითხოვს

„თურქეთის ხელისუფლებამ აღიარა აფსოურ-აფხაზური პლასტიკური ბარათები, საკუთარი სახელმწიფო ბანკების მეშვეობით და გაუშვა ის მსოფლიო საანგარიშსწორებო ქსელში. ეს არის მტრული და არამეგობრული ნაბიჯი მეზობელი სახელმწიფოსგან იმ დროს, როდესაც საქართველოს ასე უჭირს და ასევე იმ დროს, როდესაც აფხაზეთზე და ცხინვალის რეგიონზე დაწესებულია სრული საერთაშორისო ეკონომიკური ბლოკადა.

კატეგორიულად მოვითხოვ გამოიძახონ საგარეო საქმეთა სამინისტროში თურქეთის საგანგებო ელჩი, აიკრძალოს თურქული ტვირთების გადაადგილება საქართველოს ტერიტორიაზე“, - აცხადებს შალვა ნათელაშვილი.

ინფორმაციისთვის, ოკუპირებული აფხაზეთის საბანკო ბარათის გამოყენება თურქეთში დაუშვეს. საუბარია „აპრა World“-ის საბანკო ბარათებზე.

აგრეთვე დაგაინტერესებთ:

🔴 თურქეთში ოკუპირებული აფხაზეთის საბანკო ბარათის გამოყენება დაუშვეს