დღეს, 20 ნოემბერს ოპოზიციის წარმომადგენლები ევროკავშირისა და აშშ-ის ელჩებთან შეხვედრებს გამართავენ.
როგორც ცნობილია, შეხვედრა ევროკავშირის ელჩის რეზიდენციაში ყველა პარტიის წარმომადგენელთან ცალ-ცალკე გაიმართება.
ამავე შეხვედრაზე პარტიების წარმომადგენლები და ელჩები 2020 წლის საპარლამენტო არჩევნების შედეგებსა და ოპოზიციის გადაწყვეტილებას განიხილავენ.
🔺 ყველა ოპოზიციურმა პარტიამ, რომლებმაც 2020 წლის საპარლამენტო არჩევნებში 1%-იანი ბარიერი გადალახეს, პარლამენტში შესვლაზე უარი განაცხადა. ისინი არჩევნების შედეგებს არ აღიარებენ და გაყალბებაზე საუბრობენ.
🔺 ოპოზიციურ პარტიებსა და მმართველ გუნდს შორის მოლაპარაკების 2 რაუნდი უკვე შედგა.