პოლონეთის საგარეო საქმეთა სამინისტრო საქართველოში მიმდინარე პოლიტიკურ მოვლენებს აფასებს

„პოლონეთი ყურადღებით აკვირდება საქართველოში განვითარებულ მოვლენებს.

ჩვენ მოვუწოდებთ პოლიტიკური დავის ყველა მხარეს, პატივი სცენ კანონის ნორმებს, თავი შეიკავონ არსებული დაძაბულობის ესკალაციისგან და დაუბრუნდნენ პირდაპირ მოლაპარაკებებს.

სტაბილური და პროგნოზირებადი საქართველო ევროკავშირის მთავარი პარტნიორია რეგიონში.“ - წერია განცხადებაში.

შეგახსენებთ, რომ სამართალდამცველებმა, 23 თებერვალს დაახლოებით 09:00 საათზე „ნაციონალური მოძრაობის“ ლიდერი ნიკა მელია დააკავეს.

ოპოზიციის ლიდერი რუსთავის მე-12 სასჯელაღსრულების დაწესებულებაში გადაიყვანეს.

ინფორმაციისთვის, „ნაციონალური მოძრაობის“ თავმჯდომარეს ნიკა მელიას გამოძიება 2019 წლის 20-21 ივნისის აქციაზე ჯგუფური ძალადობის ორგანიზებას, ხელმძღვანელობასა და მასში მონაწილეობას ედავება.

ამ წუთებში მთავრობის ადმინისტრაციასთან ოპოზიციური პარტიებისა და მათი მხარდამჭერების აქცია მიმდინარეობს.

აგრეთვე იხილეთ:

აშშ-ის საელჩო: დღეს საქართველომ უკან დაიხია ევროატლანტიკურ სახელმწიფოთა ოჯახში უფრო ძლიერი დემოკრატიისკენ მიმავალ გზაზე

„ესკალაციის ლოგიკა იმარჯვებს, პოლიტიკური კრიზისი ღრმავდება“ - კარლ ჰარცელი საქართველოში მიმდინარე მოვლენებზე