პრემიერ-მინისტრი გიორგი გახარია დღეს კანონმდებლების წინაშე კოვიდინფექციასთან და მის მართვასთან დაკავშირებულ ანგარიშს წარადგენს.
"ჩვენ ვიმსჯელებთ უკვე შესრულებულ სამუშაოზე, ასევე სამომავლო გეგმებზე, რომელიც თითოეულ მოქალაქეს აინტერესებს", - აღნიშნა არჩილ თალაკვაძემ.
გარდა ამისა, პარლამენტის თავმჯდომარის ინფორმაციით, პრემიერი საკანონმდებლო ორგანოში ივნისშიც მივა წლიური ანგარიშით.
"პრემიერის წლიური ანგარიში ბუნებრივია არა მხოლოდ კოვიდის ინფექციის საკითხით შემოიფარგლება, არამედ უფრო ფართოდ- ქვეყნის ეკონომიკური, სოციალური, პოლიტიკური განვითარების საკითხებზეც გვექნება მსჯელობა", - განაცხადა არჩილ თალაკვაძემ.
პლენარული სხდომა 12:00 საათზე დაიწყება. გახარია პარლამენტში საკოორდინაციო საბჭოს წევრებთან ერთად მივა.