პოლიტიკა

თალაკვაძე: ქვეყანაში დაცულია მშვიდობა და სტაბილურობა, ეს ყველაზე უკეთ ჩვენმა გუნდმა საზოგადოების მხარდაჭერით შეძლო

არჩილ თალაკვაძე წყალტუბოში
19:27 19.09
დაკოპირებულია

„ვიმყოფებით ისტორიულ ადგილას და შესაძლოა ეს დღეც შევიდეს ისტორიაში როგორც დღე, როდესაც სამომავლო გადაწყვეტილებებზე ვისაუბრეთ. ჩვენ ვართ მომავალზე ორიენტირებული გუნდი, გვყავს გამოცდილი და ძლიერი ლიდერები, გვაქვს ხალხის ძლიერი მხარდაჭერა და რაც მთავარია, ვაკეთებთ ქვეყნისთვის საჭირო საქმეს“, - ამის შესახებ საქართველოს პარლამენტის თავმჯდომარემ არჩილ თალაკვაძემ წყალტუბოში განაცხადა, სადაც მმართველმა გუნდმა მოსახლეობას მაჟორიტარი დეპუტატობის კანდიდატი წარუდგინა.

არჩილ თალაკვაძემ დამსწრეებს მხარდაჭერისთვის მადლობა გადაუხადა და „ქართული ოცნების“ ხელისუფლების პირობებში მიღწეულ შედეგებზე, განხორციელებულ რეფორმებსა და ქვეყნის დემოკრატიული განვითარებისთვის 2020 წლის საპარლამენტო არჩევნების მნიშვნელობაზე ისაუბრა.

„ამ წლების განმავლობაში რისი გაკეთება შევძელით ერთად?! ჩვენს ქვეყანაში დაცულია მშვიდობა და სტაბილურობა და ეს ყველაზე უკეთ სწორედ ჩვენმა სახელისუფლებო გუნდმა, თქვენი, საზოგადოების მხარდაჭერით შეძლო. ჩვენ ყველაზე უკეთ შევძელით გვეზრუნა ადამიანის ჯანმრთელობაზე და მისი უფლებების დაცვაზე.

ჩვენი ხელისუფლების პირობებში ბიზნესი არის თავისუფალი და მეწარმეებს სახელმწიფოსთან აქვთ სამართლიანი ურთიერთობები, საკუთრების უფლება დაცულია.

ჩვენ შევძელით პროგრესული და პრაგმატული საგარეო პოლიტიკის გატარება, რომლის შედეგადაც ჩვენმა ქვეყანამ მიიღო უვიზო რეჟიმი ევროპასთან, მიიღო თავისუფალი ვაჭრობის რეჟიმი ევროკავშირთან და ასოცირების ხელშეკრულებაც გააფორმა.

გვაქვს ძლიერი თანამშრომლობა ჩვენს მთავარ სტრატეგიულ პარტნიორთან, ამერიკის შეერთებულ შტატებთან და საქართველო აკმაყოფილებს ნატოს ძირითად მოთხოვნებს. ჩვენ ვართ სტრატეგიულ მზადყოფნაში ნატოში გასაწევრიანებლად. ეს არის მნიშვნელოვანი, რათა მოხდეს მშვიდობიანი განვითარების გზით ჩვენი ქვეყნის დეოკუპაცია და ჩვენ დავიბრუნოთ ჩვენი საზოგადოება, რომელიც დღეს მავთულხლართებით ხელოვნურად არის გაყოფილი“, - განაცხადა არჩილ თალაკვაძემ.

პარლამენტის თავმჯდომარემ მოსახლეობას მაჟორიტარი დეპუტატობის კანდიდატი გივი ჭიჭინაძე წარუდგინა და მისი მხარდაჭერა დაუდასტურა.

მისი თქმით, ის პარლამენტში ამომრჩევლების ღირსეული წარმომადგენელი იქნება.

„აქ, ამ ისტორიულ ადგილას ცხოვრობდნენ ლორთქიფანიძეები. ნიკო ლორთქიფანიძე არის მაგალითი საზოგადოებრივი მოღვაწეობისა, სამშობლოს სიყვარულის და ფიქრის, აზროვნების, რომელიც მომავალ თაობებს ასე სჭირდებათ და გადაეცემათ. ლორთქიფანიძეებს იმერეთის მეფის კარზე „ფიცის კაცებს“ ეძახდნენ და სწორედ ახლა არის დრო, როდესაც თქვენც ახალი „ფიცის კაცები“ უნდა აირჩიოთ პარლამენტში.

ადამიანები, ვისაც ყველაზე მნიშვნელოვან საქმეებს ჩააბარებთ. ფიცის კაცობაც სწორედ ამას ნიშნავდა, რომ სოფელი, საზოგადოება მათ ყველაზე მნიშვნელოვან საქმეს აბარებდა და მე დარწმუნებული ვარ, რომ ასეთი ადამიანი ნამდვილად იქნება გივი ჭიჭინაძე. რომელიც არის თავისი ქვეყნის სიყვარულის, კულტურის, ტრადიციების დამცველი.

ადამიანი, რომელსაც აქვს საჯარო სექტორში მუშაობის გამოცდილება, რომელსაც შეუძლია ნამდვილი მეგობრობა და აქვს ძლიერი საქმიანი კავშირები უკლებლივ ყველა იმ ადამიანთან, ვისაც თქვენი სოფლის, ქალაქის, რაიონის საქმეების გადაწყვეტა შეუძლია.

მას აქვს ძლიერი მხარდაჭერა თავის გუნდში და მჯერა, რომ ის პარლამენტში თქვენი ღირსეული წარმომადგენელი იქნება. წინ გვაქვს ბევრი მნიშვნელოვანი საქმე და ჩვენ გვაქვს თქვენი მხარდაჭერის იმედი, ისევე როგორც თქვენც უნდა გქონდეთ და გარწმუნებთ, რომ გექნებათ ჩვენი იმედი და ჩვენ ყველაფერს გავაკეთებთ იმისთვის, რომ ეს მოლოდინები შესრულდეს“, - განაცხადა არჩილ თალაკვაძემ.

სომხეთ-აზერბაიჯანის კონფლიქტი

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
„ჩვენ ერთად ვიზრუნებთ იმაზე, რომ ჩვენი ღირსეული წვლილი შევიტანოთ იმ ღირსეულ საქმეში, რაც ნიშნავს 202...
50 წუთის წინ
„ქართული ღვინის მარკეტინგული მხარდაჭერისთვის 2021-2024 წლებში სახელმწიფო 46 მლნ ლარს გამოყოფს“,- ამი...
54 წუთის წინ
„ერთწლოვანი სასოფლო-სამეურნეო კულტურების პირველადი წარმოების ხელშეწყობისთვის 200 მილიონი ლარის ოდენო...
59 წუთის წინ
„ჩაის პლანტაციების რეაბილიტაციის პროგრამისთვის 2020-2024 წლებში 2,5 მილიონი ლარი დაიხარჯება, 4 წელიწ...
20:42
ე.წ. საზღვარი აფხაზეთთან ოკუპირებული აფხაზეთის ე.წ. სუს-ი ბანკზე თავდა...
ოკუპირებული აფხაზეთის ე.წ. სახელმწიფო უსაფრთხოების სამსახურის „სასაზღვრო დეპარტამენტი“ ზუგდიდში „საქ...
გომელაური: გამოძიება დაადგენს მძევლებს შ...
შინაგან საქმეთა მინისტრის ვახტანგ გომელაურის განცხადებით, გამოძიება დაადგენს, ჰყ...
მთიანი ყარაბაღის საკითხზე ვაშინგტონში და...
23 ოქტომბერს ვაშინგტონში აშშ-ის სახელმწიფო მდივნის და აზერბაიჯანისა და სომხეთის...
ოხანაშვილი: გვიპასუხონ „ნაციონალური მოძრ...
„გვიპასუხონ „ნაციონალური მოძრაობის“ წარმომადგენლებმა რა აქვთ საწინააღმდეგო, რომ...