ტიკარაძე: თანამდებობის დატოვებას არ ვაპირებ
1606209863
ჯანდაცვის მინისტრი ეკატერინე ტიკარაძე თანამდებობის დატოვებას არ აპირებს. ამის შესახებ მან მთავრობის ადმინისტრაციაში გამართულ ბრიფინგზე განაცხადა.
ეკატერინე ტიკარაძე ფიქრობს, რომ პირველი საუნივერსიტეტო კლინიკის ლევან რატიანის განცხადება მას არ ეხებოდა, სადაც ექიმი ასეთ ფრაზას ამბობს: „თუ არ შეგიძლია უნდა წახვიდე და ის მოვიდეს, ვისაც ამ პროცესის მართვა შეუძლია“.
ჯანდაცვის მინისტრი აცხადებს, რომ მას სწორედ ახლა აქვს მაღალი პასუხისმგებლობა კორონავირუსის დასამარცხებლად.
„მე თავდაჯერებულობა და ქედმაღლობა არ მჩვევია, მხოლოდ ამ კომპონენტით გამოვრიცხავ იმას, რომ ლევან რატიანი მე მგულისხმობდა.
თანამდებობის დატოვებას არ ვაპირებ, ვინაიდან, მიმაჩნია, რომ სწორედ ახლა არის ის დრო, როდესაც მე მაქვს ყველაზე მაღალი პასუხისმგებლობა, შესაბამისად, ეს პროცესი გამარჯვებით უნდა დასრულდეს“,- აღნიშნა ეკატერინე ტიკარაძე.
აგრეთვე წაიკითხეთ: 👇
🛑3 128 ინფიცირება, 3 045 პირი გამოჯანმრთელება - ეპიდვითარება საქართველოში
