პოლიტიკა

ევროპასთან ინტეგრაციის კომიტეტის სხდომაზე საგარეო საქმეთა მინისტრის პირველ მოადგილეს მოუსმინეს

ევროპასთან ინტეგრაციის
კომიტეტის სხდომაზე
საგარეო საქმეთა
მინისტრის პირველ
მოადგილეს მოუსმინეს
1612191054
დაკოპირებულია

ევროპასთან ინტეგრაციის კომიტეტის სხდომაზე ევროკავშირთან ასოცირების ხელშეკრულების ფარგლებში საქართველოს მიერ ნაკისრი ვალდებულებების შესრულების 2020 წლის ანგარიში მოისმინეს, რომელიც საგარეო საქმეთა მინისტრის პირველმა მოადგილემ, ვახტანგ მახარობლიშვილმა წარმოადგინა.

ინფორმაციას საქართველოს პარლამენტის პრესსამსახურის წარმომადგენელი ავრცელებს.

სხდომის დასაწყისში კომიტეტის თავმჯდომარემ, მაკა ბოჭორიშვილმა ევროკავშირთან ასოცირების შეთანხმების მნიშვნელობაზე და მისი იმპლემენტაციის მიმდინარეობაზე განცხადება გააკეთა.

„საქართველოს საბოლოო მიზანი ევროკავშირის სრულფასოვანი წევრობაა. საქართველოსა და ევროკავშირს შორის ურთიერთობების მთავარ საფუძველს 2014 წელს ხელმოწერილი ასოცირების შეთანხმება წარმოადგენს, რაც ევროკავშირთან ჩვენი ქვეყნის პოლიტიკურ ასოცირებას და ეკონომიკურ ინტეგრაციას ევროკავშირის ერთიან ბაზარში გულისხმობს.

საქართველოსა და ევროკავშირს შორის გაფორმებული ასოცირების შეთანხმება შესაძლებლობას იძლევა, რომ მისი განხორციელების პირობებში საქართველოს კანონმდებლობა დიდწილად შესაბამისობაში იყოს ევროკავშირის კანონმდებლობასთან. ბუნებრივია იმის გათვალისწინებით, რომ საქართველოს ხელისუფლება 2024 წელს გეგმავს ოფიციალური განაცხადის გაკეთებას ევროკავშირის წევრობაზე, ასოცირების შეთანხმების იმპლემენტაციას განსაკუთრებული ყურადღება ეთმობა“, - აღნიშნა მაკა ბოჭორიშვილმა.

მისივე განცხადებით, ასოცირების შეთანხმება სხვადასხვა კომპონენტს მოიცავს და კომიტეტი შეთანხმების იმპლემენტაციის შედეგების გაცნობის მიზნით, დარგობრივ უწყებებთან თემატურ მოსმენებს გეგმავს.

საგარეო საქმეთა მინისტრის პირველმა მოადგილემ თავის ანგარიშში ასოცირების შეთანხმების იმპლემენტაციის პოლიტიკურ ნაწილზე ისაუბრა და ის ღონისძიებები და აქტივობები გამოყო, რომლებიც აღნიშნული პროცესის შესრულების მიზნით გადაიდგა.

ვახტანგ მახარობლიშვილის განცხადებით, 2020 წლის პანდემიის მიუხედავად, ევროკავშირთან ურთიერთობების დინამიკა არ შეცვლილა და ვიდეო კონფერენციების და ონლაინ შეხვედრების ფორმატში ხელისუფლების წარმომადგენლები ევროპელ კოლეგებთან ინტენსიურ თანამშრომლობას აგრძელებდნენ.

მომხსენებელმა, ამ კუთხით, პრემიერ-მინისტრის, საქართველოს პრეზიდენტის და მთავრობის წევრების მიერ გამართულ შეხვედრებზე ისაუბრა და ევროკავშირის ახალ ხელმძღვანელობასთან არსებულ თანამშრომლობის ფორმატები ახსენა.

მისივე განცხადებით, საანგარიშო პერიოდში აქტიურად გრძელდებოდა იმპლემენტაციის პროცესი, რასაც მოწმობს შესაბამისი უწყებების მიერ გატარებული რეფორმები და ევროკავშირთან დაახლოების მიზნით გატარებული ღონისძიებები.

მინისტრის პირველმა მოადგილემ ასოცირების შეთანხმების იმპლემენტაციის მიზნით საგარეო უწყების კოორდინირებულ მუშაობასა და მექანიზმებზე ისაუბრა.

როგორც მან აღნიშნა, სამინისტრო ინტენსიურად მუშაობს როგორც სამოქმედო გეგმაზე, ასევე ყოველწლიურ ანგარიშებზე. მისივე განცხადებით, სამინისტრო სამწლიან სამოქმედო გეგმას ამუშავებს, რაც თავის მხრივ, ხელს უწყობს როგორც პროცესების მდგრადობას, ასევე მოქმედების პროგნოზირებას და მოსალოდნელ შედეგებს.

მომხსენებელმა ევროკავშირთან დაახლოების და კანონმდებლობის ჰარმონიზაციის პროცესებზეც ისაუბრა და ცალკე გამოყო 2020 წელს განხორციელებული ცვლილებები, როგორიცაა ენერგოეფექტურობის სფეროს კანონმდებლობის გაუმჯობესება, შრომის კოდექსის მიღება და შრომითი უფლებების კუთხით მნიშვნელოვანი წინგადადგმული ნაბიჯი, ასევე, ტყის კოდექსის მიღება და პროფესიული განათლების კანონმდებლობა.

მინისტრის პირველი მოადგილის გამოსვლის შემდეგ, სხდომა კითხვა-პასუხის რეჟიმში გაგრძელდა. კომიტეტის წევრებმა და სამოქალაქო საზოგადოების წარმომადგენლებმა ვახტანგ მახარობლიშვილს კითხვებით მიმართეს და მათთვის საინტერესო საკითხებზე დამატებითი ინფორმაციები მოისმინეს.

საგარეო საქმეთა სამინისტროს ანგარიში კომიტეტის თავმჯდომარემ შეაფასა და მომხსენებელს გაწეული საქმიანობისთვის და წარმოდგენილი ანგარიშისთვის, მადლობა გადაუხადა.

„ევროკავშირში გაწევრიანება და ამის მიღწევა არა მხოლოდ საკანონმდებლო და აღმასრულებელი ხელისუფლების პირველადი ამოცანაა, არამედ ამ მიზნის მიღწევაში განსაკუთრებული როლი ჩვენი საზოგადოების ყველა სეგმენტის ჩართულობას აქვს. იმედი მაქვს, რომ ამ მიზნის მიღწევაში ერთიანი ძალებით შევძლებთ მუშაობას და პროგრესს 2024 წლამდე“, - განაცხადა მაკა ბოჭორიშვილმა.

სხდომის დასასრულს, კომიტეტის წევრებმა საორგანიზაციო საკითხები და მე-9 მოწვევის პარლამენტის მიერ ინიცირებულ კანონპროექტებზე მუშაობის გაგრძელების მიზანშეწონილობა განიხილეს.

ინფექციური საავადმყოფოს
გენერალური დირექტორი
თენგიზ ცერვცაძე Pia.ge

„მოსახლეობამ ზურგი აქცია ვაქცინაციას და...

„კატასტროფულად დაიკლო პირველადი აცრების რაოდენობამ, ეს არის კატასტროფა ქვეყნისთვის“, - ამის შესახებ თბილისის ინფექციური საავადმყოფოს გენერალურმა დირექტორმა, თენგიზ ცერცვაძემ ჟურნალისტებს განუცხადა.

1632328746

2021 წლის 22 სექტემბერს, ნიუ-იორკში, გაეროს გენერალური ასამბლეის 76-ე სესიის მაღალი დონის კვირეულის ფარგლებში, დემოკრატიისა და ეკონომიკური განვითარების ორგანიზაცია - სუამის საქართველოს თავმჯდომარეობით, საგარეო საქმეთა მინისტრების საბჭოს ტრადიციული სხდომა გაიმართა, - ამის შესახებ ინფორმაციას საქართველოს საგარეო საქმეთა სამინისტრო ავრცელებს.

1632336744

PIA.GE გთავაზობთ მსოფლიოს მასშტაბით 22 სექტემბერს გადაღებულ მნიშვნელოვან ფოტოებს.

1632336226

შინაგან საქმეთა სამინისტროს მიერ კაფე-ბარებში ტურისტებისგან დიდი ოდენობით თანხების დაუფლების თაღლითური სქემის გაშიფვრას და დამნაშავის დაკავებას გიდების ასოციაცია ეხმაურება.

1632335315

„ისე, რომ ჯერ ვაქცინაციით მოცვა არ გვაქვს, გარდაცვლილთა რიცხვი 80-დან 42, 43-მდე შევამცირეთ, რაც სახელმწიფოს უზარმაზარი ძალისხმევის შედეგია“, - ამის შესახებ თბილისის ინფექციური საავადმყოფოს გენერალურმა დირექტორმა, თენგიზ ცერცვაძემ ჟურნალისტებს განუცხადა.

1632335036
„2 ოქტომბერს ყველა უნდა
გამოვიდეს და ყველამ უნდა
მისცეს ხმა ცვლილებას“

„ენკას“ მიერ ხელშეკრულების შეწყვეტა კატასტროფ...

პარტია „გირჩი - მეტი თავისუფლების“ ლიდერი ზურაბ ჯაფარიძე „ნამოხვანჰესის“ მშენებლობის ხელშეკრულების შეწყვეტის საკითხს ეხმიანება.

ჩრდილოატლანტიკურ ალიანსში საქართველოს გა...

საქართველოს პრემიერ-მინისტრი ირაკლი ღარიბაშვილი ლატვიის რესპუბლიკის პრეზიდენტ ეგილს ლევიტსთან შეხვედრას სოციალურ ქსელ „ტვიტერში“ ეხმაურება.

კახა კალაძე: დარწმუნებული ვარ გამარჯვება...

„ჩვენ გვაქვს კონკრეტული საარჩევნო პროგრამა, რომლის უკან დგას ძლიერი გუნდი, რომელმაც იცის როგორ განახორციელოს წარმოდგენილი პროექტები“ - ამის შესახებ თბილისის მოქმედმა მერმა კახა კალაძემ წინასაარჩევნო შეხვედრაზე სიტყვით გამოსვლისას განაცხადა.

„ქართული ოცნების“ ლიდერები ამბროლაურში,...

„ქართული ოცნების“ თავმჯდომარე, ირაკლი კობახიძე, აღმასრულებელი მდივანი, მამუკა მდინარაძე და რეგიონული მდივანი, დიმიტრი სამხარაძე ამბროლაურში, რაჭა-ლეჩხუმსა და ქვემო სვანეთში მუნიციპალიტეტების მერობის კანდიდატებს და საარჩევნო შტაბების ხელმძღვანელებს შეხვდნენ.