შუახევში ყოფილი პრემიერის, გიორგი გახარიას პარტია „გახარია საქართველოსთვის“ სამმა წევრმა დატოვა. პარტიიდან წასვლის გადაწყვეტილება მიიღეს: თამარ გუნდაძე - სიის მე-9 ნომერი, ხუსეინ ხიმშიაშვილი - სიის მე-11 ნომერი, მზევინარ დიასამიძე - სიის 21-ე ნომერი.
აქვე აღსანიშნავია, რომ მზევინარ დიასამიძე საერთოდ არ ფლობდა ინფორმაციას იმის თაობაზე, რომ პარტიის პროპორციულ სიაში იყო. მათ უკვე მიმართეს საოლქო საარჩევნო კომისიას რეგისტრაციის გაუქმების მოთხოვნით.