ექსპერტი პოლიტიკის საკითხებში გია ხუხაშვილი ფიქრობს, რომ ამნისტიის პროექტი შეიძლება გახდეს კონსტიტუციური დავის საგანი.
„თავი რომ დავანებოთ ივნისის მოვლენებს და უბრალოდ შევხედოთ ზოგად კონტექსტს:
ხელისუფლების დანაშაულის ამნისტირება ქმნის სახიფათო პრეცედენტს, როდესაც ის იძალადებს და მერე საკუთარ თავს „აპატიებს“.
ვფიქრობ, რომ ეს აქტი შესაძლოა ეწინააღმდეგებოდეს საქართველოს კონსტიტუციის სულისკვეთებას და გახდეს შესაბამისი კონსტიტუციური დავის საგანი.“ - წერს გია ხუხაშვილი სოციალურ ქსელში
შეგახსენებთ, რომ 19 აპრილს „ქართულმა ოცნებამ“ და ოპოზიციური პარტიების ნაწილმა ევროპული საბჭოს პრეზიდენტის შარლ მიშელის მიერ შედგენილ შეთანხმების დოკუმენტს ხელი მოაწერეს.
6 თვიანი ბოიკოტის შემდეგ , პარლამენტში ოპოზიციური სპექტრის მონაწილეობით პირველი პლენარული სხდომა გაიმართა.
შეთანხმების მიხედვით, ხელმოწერიდან 1 კვირის ვადაში უნდა გადაიდგას ნაბიჯები 2 საქმეზე, რომლებიც პოლიტიკურად აღიქმება, ამნისტიით და/ან სხვა ნაბიჯებით, რომლებიც ანალოგიურ შედეგამდე მიგვიყვანს. 2 საქმეში ნიკა მელიას და გიორგი რურუას საქმეები იგულისხმება.
იხილეთ აგრეთვე: