„ყველაფერი დამოკიდებულია იმაზე, თუ რამდენად შეძლებს გახარია თავისი დამოუკიდებლობის დასაბუთებას“- გია ხუხაშვილი
1616757488
„გახარია არ არის არც „ნაციონალური მოძრაობის“ და არც „ევროპული საქართველოს“ კონკურენტი, ხმების ძირითადი ნაწილი მას მიაქვს ე.წ. სამობილიზაციო ელექტორატის, ანუ იმ ხალხის ხმები, რომლებიც აკეთებენ არჩევანს ცუდსა და უარესს შორის, რომელთა არჩევანიც ყველა ციკლში მიდის ხელისუფლებისკენ“- განაცხადა ექსპერტმა პოლიტიკურ საკითხებში გია ხუხაშვილმა.
„ივანიშვილი უყურებს დიდ სურათს და გიორგი გახარიას შემთხვევაში თვლის, რომ თამაშობს წაუგებელ თამაშს. იმიტომ, რომ არ მგონია ეს შეთანხმებული თამაში იყოს, უბრალოდ მას აქვს მწვანე შუქი ანთებული.
ბიძინა ივანიშვილი არ ნერვიულობს იმაზე, რომ გახარიამ პოლიტიკურად იაქტიუროს. გახარიაზე ის ეჭვიანობდა, მას არ მოსწონდა, როდესაც საუბრობდნენ, რომ გახარიას გამო მისცა ხალხმა ხმა „ქართულ ოცნებას“, ობიექტურად ასეც იყო.
გახარიას ფაქტორი რომ არა, რაც არ უნდა ემამაძაღლა „ქართულ ოცნებას“ ამ არჩევნებზე მაინც ვერ მოიგებდა.
ივანიშვილი თავის ადგილზე დააყენებს გახარიას, თუ იქნება წარმატებული ამ შემთხვევაშიც საკუთარი თავის სასარგებლოდ გამოიყენებს, გამომდინარე იმ მოცემულობიდან, რაც შეიძლება განვითარდეს“- განაცხადა გია ხუხაშვილმა.
მისივე თქმით, გიორგი გახარია თუ პოლიტიკაში მოვა, ის ორ ცეცხლს შუა აღმოჩნდება და ქართველი ამომრჩევლის ხმათა გარკვეულ ნაწილს წაართმევს, როგორც ხელისუფლებას, ასევე მცირე პარტიებს.
„მე არ მგონია, რომ ეს წინასწარ დაგეგმილი სპექტაკლი იყოს, საქართველოში არაფერი არ იმალება, დიდწილად ყველაფერი დამოკიდებულია იმაზე, თუ რამდენად შეძლებს გახარია დასაბუთებას თავის დამოუკიდებლობის.
ის აღმოჩნდება ორმხრივი ცეცხლის ქვეშ. საზოგადოების გარკვეული ნაწილი ამბობს, რომ ესაა ივანიშვილის პროექტი, „ქართული ოცნების“ ორთოდოქსები იტყვიან, რომ მიშას შეეკრა.
ის არ არის არც „ნაციონალური მოძრაობის“ და არც „ევროპული საქართველოს“ კონკურენტი, ხმების ძირითადი ნაწილი მას მიაქვს ე.წ. სამობილიზაციო ელექტორატის, ანუ იმ ხალხის ხმები, რომლებიც აკეთებენ არჩევანს ცუდსა და უარესს შორის და ამ ჯგუფის ხალხთა ხმები როგორც წესი, ყველა ციკლში მიდის ხელისუფლებისკენ „მგელი მოდის“ პრინციპით ოღონდ მიშა არ მოვიდეს და წავალ ისევ ხელისუფლებას მივცემ ხმას, მიუხედავად იმისა, რომ არ მოსწონს „ქართული ოცნება“.
საბოლოო ჯამში ეს ხალხი არის ხელისუფლების პროპაგანდის მსხვერპლი და მისი ლუკმა და ეს ელექტორატი ახლა მოჰყავს გახარიას.
გარკვეულ წილად ის წაართმევს ხმებს მცირე პარტიებსაც და „ნაციონალური მოძრაობა“ შოკოლადშია იმიტომ, რომ გახარია დაარღვევს ხელისუფლების მონოპოლიას. ერთადერთი დისკომფორტი რაც ნაციონალურ მოძრაობას აქვს ორ პოლუსიანობა შეიძლება დაინგრეს, მაგრამ ბევრს არაფერს არ წააგებს.
გიორგი გახარია ივანიშვილისთვის საფრთხეს არ წარმოადგენს, თუმცა მეორე მხრივ, მისი რელიგიის მითოლოგიის დანგრევას განაპირობებს“- განაცხადა გია ხუხაშვილმა.
შეგახსენებთ, რომ ყოფილმა პრემიერ-მინისტრმა, გიორგი გახარიამ ჟურნალისტებთან საუბრისას განაცხადა, რომ პოლიტიკიდან წასვლას არ აპირებს და გეგმების შესახებ საზოგადოებას უახლოეს მომავალში შეატყობინებს.
იხილეთ აგრეთვე:
🔶„ხელისუფლება იტყვის გახარია სააკაშვილს შეეკრა, ოპოზიცია იტყვის ბიძინას პროექტიაო“ - გია ხუხაშვილი
🔶„მხარეები შუბლით ეტაკებიან ერთმანეთს, გამოსავალი არ ჩანს“ - გია ხუხაშვილი
