პოლიტიკა

ოკუპანტების მიერ დაკავებულის საკითხზე ეუთო-ს მუდმივი საბჭოს სხდომაზე იმსჯელეს

მავთულხლართები
საქართველოში
1594988712
დაკოპირებულია

ქართული მხარის ინიციატივით, ეუთო-ს მუდმივი საბჭოს სხდომაზე საოკუპაციო ძალების მიერ საქართველოს მოქალაქის, ზაზა გახელაძის დაჭრისა და უკანონო დაკავების თაობაზე იმსჯელეს. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

უწყების ცნობით, ეუთო-ში საქართველოს მუდმივმა წარმომადგენელმა, ქეთევან ციხელაშვილმა დელეგაციებს აღნიშნული ინციდენტის თაობაზე ამომწურავი ინფორმაცია მიაწოდა და განაცხადა, რომ მსგავსი პროვოკაციები ახდენს ვითარების ესკალაციას და იწვევს ადგილზე არსებული სიტუაციის დესტაბილიზაციას.

ქართულმა მხარემ ხაზი გაუსვა, რომ სამწუხაროდ, ზაზა გახელაძის შემთხვევა არ არის გამონაკლისი. წლების მანძილზე, ადგილობრივ მოსახლეობას საოკუპაციო ხაზის სიახლოვეს უკანონოდ აკავებენ, რითაც უხეშად ილახება მათი ფუნდამენტური უფლებები და თავისუფლებები.

„ბოლო დღეების მანძილზე, ქართულმა მხარემ რამდენჯერმე გაააქტიურა ე.წ. ცხელი ხაზი და მოითხოვა დაჭრილი და უკანონოდ დაკავებული მოქალაქის დაუყოვნებლივ გადაცემა“,- აღნიშნა საქართველოს ელჩმა.

ქეთევან ციხელაშვილმა აღნიშნა, რომ ზაზა გახელაძის შემთხვევა კიდევ ერთხელ ადასტურებს უკანონო დაკავებებისა და თავისუფალი გადაადგილების შეზღუდვის პრაქტიკის შეწყვეტის აუცილებლობას.

მან საბჭოს წევრებს მიაწოდა ინფორმაცია საოკუპაციო რეჟიმის მიერ ბოლო პერიოდში დაკავებულ კიდევ ორ პირზე - გენადი ბესტაევსა და ხვიჩა მღებრიშვილზე.

ქეთევან ციხელაშვილმა გამოსვლაში ყურადღება გაამახვილა, რომ პანდემიის მიუხედავად, რუსული მხარე აგრძელებს დესტრუქციულ ქმედებებს. მან ეუთო-ს წევრებს კიდევ ერთხელ შეახსენა, რომ კოვიდ-პანდემიის პარალელურად, რუსეთს არ შეუწყვეტია ე.წ. „ბორდერიზაცია“ და უკანონო ხელოვნური ბარიერები აღმართა დამატებით 14 სოფელში.

საქართველოს ელჩმა მუდმივი საბჭოს სხდომაზე ისაუბრა ოკუპაციით გამოწვეულ ჰუმანიტარულ პრობლემებზე.

მან განაცხადა, რომ ბოლო თვეების მანძილზე, ე.წ. გადასასვლელი პუნქტების დახურვისა და გადაადგილების შეზღუდვის შედეგად, 15 ადამიანი დაიღუპა, ვინაიდან მათ არ მიეცათ ან შეუფერხდათ წვდომა კრიტიკულად მნიშვნელოვან ჯანდაცვის სერვისებზე.

საქართველოს მუდმივმა წარმომადგენელმა განაცხადა, რომ რუსეთის ქმედებები არღვევს 2008 წლის 12 აგვისტოს ცეცხლის შეწყვეტის შესახებ ევროკავშირის შუამავლობით დადებულ შეთანხმებასა და გაერო-ს გენერალური მდივნის მხრიდან გლობალური მასშტაბით ცეცხლის შეწყვეტისკენ მოწოდებას. საქართველოს ტერიტორიაზე უკანონოდ განლაგებული რუსეთის საოკუპაციო ძალების მხრიდან ორგანიზებული პროვოკაციები, კიდევ ერთხელ ადასტურებს ადგილზე უსაფრთხოების საერთაშორისო მექანიზმების წვდომის საჭიროებას.

საქართველოს წარმომადგენელმა მოუწოდა რუსეთს, დაუშვას საერთაშორისო ჰუმანიტარული და ადამიანის უფლებათა მონიტორინგის მექანიზმები ოკუპირებულ ტერიტორიებზე და დაიწყოს ცეცხლის შეწყვეტის შესახებ 2008 წლის 12 აგვისტოს შეთანხმების უპირობო შესრულება.

სხდომის ფარგლებში, საქართველოს მხარდამჭერი განცხადებები გააკეთეს ნორვეგიის, კანადის, ევროკავშირის, გაერთიანებული სამეფოს, აშშ-სა და უკრაინის დელეგაციებმა. მათ ერთხმად დაადასტურეს საქართველოს სუვერენიტეტისა და ტერიტორიული მთლიანობის მხარდაჭერა საერთაშორისოდ აღიარებულ საზღვრებში და დაგმეს საქართველოს მოქალაქის დაჭრისა და უკანონოდ დაკავების ფაქტი.

გამომსვლელებმა დაგმეს რუსეთის პროვოკაციული ქმედებები და ყურადღება გაამახვილეს ე.წ. ბორდერიზაციის პროცესის მიუღებლობაზე, რომელიც არღვევს ადგილობრივი მაცხოვრებლების უფლებებს და უზღუდავს მათ თავისუფალ გადაადგილებას.

დელეგაციებმა მოუწოდეს რუსეთს, შეასრულოს საერთაშორისო სამართლის ნორმები და ნაკისრი ვალდებულებები, უპირველესად, ევროკავშირის შუამავლობით დადებული 2008 წლის 12 აგვისტოს შეთანხმება ცეცხლის შეწყვეტის შესახებ და გაიყვანოს უკანონოდ განთავსებული სამხედრო ძალები საქართველოს ტერიტორიიდან. დელეგაციები ასევე შეუერთდნენ ქართული მხარის მოთხოვნას, საერთაშორისო მონიტორინგის მექანიზმების, მათ შორის, ევროკავშირის სადამკვირვებლო მისიის, აფხაზეთისა და ცხინვალი/სამხრეთ ოსეთის რეგიონებში დაშვებასთან დაკავშირებით, მისიის მანდატის შესაბამისად.

„ჩვენი შვილებისა და
შვილიშვილების დაცვის
ერთადერთი შესაძლებლობაა
ოჯახის წევრების
ვაქცინაცია“

„პირებს, რომელთაც ვაქცინის პირველ დოზაზე...

იმუნიზაციის მრჩეველთა ეროვნული ტექნიკური ჯგუფის ხელმძღვანელმა ივანე ჩხაიძემ სატელევიზიო ეთერში განაცხადა, რომ ადამიანებს რომელთაც კორონავირუსის ვაქცინის პირველ დოზაზე ალერგიული რეაქცია ჰქონდათ, შესაძლოა, განსხვავებული ტიპის ვაქცინით აცრის შესაძლებლობა მიეცეთ.

1627587122

ტოკიოს ოლიმპიური თამაშების ნახევარფინალში გურამ თუშიშვილი (+100 კგ) იასპარეზებს, რომელმაც ზედიზედ ორიე შეხვედრის მოგება მოახერხა.

1627621923

გადაუდებელი სამუშაოების ჩატარების გამო, 30 ივლისს, ნაძალადევის რაიონში ელექტრომომარაგება დროებით შეიზღუდება. ამის შესახებ ინფორმაციას კომპანია „თელასი“ ავრცელებს.

1627590201

დღეს საქართველოს ფინანსთა მინისტრი ლაშა ხუციშვილი შეხვდა სომხეთის რესპუბლიკის ეკონომიკის მინისტრს, ვაგან კერობიანს, რომელიც საქართველოში სამუშაო ვიზიტით იმყოფება. ინფორმაციას ფინანსთა სამინისტრო ავრცელებს.

1627589649

„დღეს კიდევ ერთი სპორტული მოედანი და ნარგავებით სავსე სკვერი გავხსენით ჩუღურეთში“, - ამის შესახებ პარლამენტის თავმჯდომარის პირველი მოადგილე გიორგი ვოლსკი სოციალურ ქსელში წერს.

1627589613
ივანე ჩხაიძე

იგეგმება თუ არა საქართველოში 6 თვიდან ბავშვებ...

იმუნიზაციის მრჩეველთა ეროვნული ტექნიკური ჯგუფის ხელმძღვანელის ივანე ჩხაიძის განცხადებით, 2022 წლიდან საქართველომ, შესაძლებელია, 6 თვიდან ბავშვების ვაქცინაცია დაიწყოს.

1627589401
ოპოზიციის ბოიკოტის შემთხვევაში, მათი პოლ...

„ხელშეკრულების ანულირების შემდეგ, რა თქმა უნდა, მოსალოდნელი იყო საერთაშორისო პარტნიორების არასასურველი შეფასებები, რაც ძირითადად, ინფორმაციის არასწორ მიწოდებას და არასწორ მოლოდინებს უკავშირდება“, - ამის შესახებ დემოკრატიული ცვლილებების ცენტრის ხელმძღვანელი დავით ჩიხელიძე აცხადებს.

„პოლიტიკური სტაბილურობისა და კონსენსუსის...

„გაერთიანებული სამეფო შეშფოთებას გამოთქვამს მმართველი პარტია „ქართული ოცნების“ მიერ 19 აპრილის შეთანხმებიდან ცალმხრივად გასვლის შესახებ გადაწყვეტილების თაობაზე, რომლის მიზანი იყო პოლიტიკური ჩიხის დასრულება“, - ამის შესახებ საელჩოს განცხადებაშია ნათქვამი.

რეალურად „ნაციონალური მოძრაობა“ არასდროს...

„ორმაგი სტანდარტის მატარებელი, არასამთავრობო ორგანიზაციები, რა თქმა უნდა, „ოცნების“ გადაწყვეტილებას გამოეხმაურნენ (ISFED, GDI, TI, IDFI, EPF, DRI და სხვა). როგორც მოსალოდნელი იყო, მათ დაგმეს „ოცნების“ გადაწყვეტილება და მხარი დაუჭირეს საკუთარ პარტიას, დიახ, პარტია „ნაციონალურ მოძრაობას“, - ამის შესახებ დემოკრატიული ცვლილებების ცენტრის ხელმძღვანელი დავით ჩიხელიძე აცხადებს.