პარლამენტში ამნისტიის შესახებ ოპოზიციის მიერ მომზადებული კანონპროექტი დარეგისტრირდა. ამნისტიის შესახებ ალტერნატიული კანონპროექტი საკანონმდებლო ორგანოში შალვა შავგულიძემ დაარეგისტრირა.
დოკუმენტი პარლამენტის საორგანიზაციო დეპარტამენტმა ჩაიბარა.
შეგახსენებთ, რომ ოპოზიციური პარტიების განცხადებით, ამნისტია არ უნდა შეეხოთ თანამდებობის პირებს, ვინც 20-21 ივნისის აქციის დაშლის ბრძანება გასცა და სამართალდამცველებს, ვინც აქციაზე ძალაუფლებას გადაამეტა.
„ქართულმა ოცნებამ“ ამნისტიის შესახებ კანონპროექტის საკუთარი ვერსია პარლამენტში 27 აპრილს დაარეგისტრირა.
ინფორმაციისთვის, მმართველ გუნდსა და ოპოზიციას შორის მიღწეული შეთანხმების თანახმად, ხელმოწერიდან ერთი კვირის განმავლობაში, პარლამენტში წარმოდგენილმა პარტიამ უნდა მოახდინოს ინიცირება კანონის ამნისტიის შესახებ, რომელიც 2019 წლის 19–21 ივნისის პროტესტთან დაკავშირებულ ყველა დარღვევასა და დაკავებას შეეხება.
აგრეთვე წაიკითხეთ:
„მთავარია ამნისტია არ გავრცელდეს მათზე, ვინც ხალხს ასახიჩრებდა“ - ალეკო ელისაშვილი