შარლ მიშელის მრჩეველი 19 აპრილის შეთანხმების ანულირებას ეხმაურება
1627504868
ევროპული საბჭოს პრეზიდენტ შარლ მიშელის მრჩეველი იურეკ კუჩკიევიჩი საკუთარ Twitter-ის გვერდზე წერს, რომ „ქართული ოცნების“ გადაწყვეტილებასთან დაკავშირებით, ამ ეტაპზე მხარეებთან კონსულტაციები მიმდინარეობს.
მიშელის მრჩევლის ინფორმაციით, საქართველოში ბოლო დროს განვითარებულ მოვლენებზე კომენტარი ჯერჯერობით არ იქნება.
„საქართველოში ბოლოს განვითარებულ პოლიტიკურ მოვლენებზე ევროპული საბჭოს პრეზიდენტი ფართო კონსულტაციებს მართავს პოლიტიკური აქტორებისა და პარტიების ჩართულობით, მის გუნდთან ერთად. პრეზიდენტი მიშელი რაიმე კომენტარს ამ ეტაპზე არ გააკეთებს“, - წერს იურეკ კუჩკიევიჩი.
ინფორმაციისთვის, „ქართული ოცნება“ 19 აპრილის შეთანხმებას ანულირებულად აცხადებს. აღნიშნულის შესახებ პარტიის თავმჯდომარემ ირაკლი კობახიძემ უმრავლესობის სხდომის დასრულების შემდეგ გამართულ ბრიფინგზე განაცხადა.
იხილეთ აგრეთვე:
