ატენის ხეობაში ხანძარი ლოკალიზებულია
1600360248
მეხანძრე-მაშველებმა უწყვეტი სამუშაობის შედეგად ატენის ხეობაში გაჩენილი ხანძრის ლოკალიზება შეძლეს. ამის შესახებ ინფორმაციას საგანგებო სიტუაციების მართვის სამსახური ავრცელებს.
ცეცხლი მთის კლდოვან ნაწილზე, ბუჩქებს და ეკალ-ბარდს ეკიდა. რთული რელიეფის გამო, კერებთან სახანძრო ტექნიკის მიყვანა შეუძლებელი იყო, ამიტომ ცოცხალი ძალა ცეცხლს ინდივიდუალური აღჭურვილობით აქრობდა.
ხეობაში ამ დროისთვის 30 მეხანძრე-მაშველი რჩება და ცალკეული მხრჩოლავი კერების სალიკვიდაციო სამუშაოებს განაგრძობს.
ადგილზე დამწვარია ორ ჰექტრამდე ხმელი ბალახი და ეკალ-ბარდი. ცეცხლის გავრცელების საშიშროება მოხსნილია. დასახლებულ პუნქტს საფრთხე არ ემუქრება.
