ჭიკაანში ცენტრალური ქუჩის მოპირდაპირე შიდა საუბნო გზის სარეაბილიტაციო სამუშაოები დაიწყო. ინფორმაციას ყვარლის მუნიციპალიტეტის მერიის პრესსამსახურის წარმომადგენელი ავრცელებს.
„პროექტის ფარგლებში 2805 მეტრის სიგრძის გზა მოასფალტდება და მოეწყობა სანიაღვრე არხები“, - აღნიშნულია გავრცელებულ ინფორმაციაში.
როგორც ცნობილია, სარეაბილიტაციო სამუშაოებს ტენდერში გამარჯვებული კომპანია ამხანაგობა „გზამშენი15“ ასრულებს.
პროექტის სრული ღირებულება 1 719 973 ლარს შეადგენს.