გუდაურში პირველი საბავშვო ბაღი აშენდა

ყაზბეგის მუნიციპალიტეტის დაბა გუდაურში საბავშვო ბაღი აშენდა. ამის შესახებ ინფორმაციას მცხეთა-მთიანეთის მუნიციპალიტეტის მერიის პრესსამსახური ავრცელებს. 

მათივე ცნობით, თანამედროვე სტანდარტების შესაბამისი შენობა აღჭურვილია ყველა საჭირო ინვენტარით. სააღმზრდელო დაწესებულება 35 აღსაზრდელზეა გათვლილი. ბაღი სრულად ადაპტირებულია შეზღუდული შესაძლებლობის მქონე პირთათვის.

„აღსანიშნავია, რომ გუდაურს, რომელიც მაღალმთიანი ზონის სტატუსით სარგებლობს, არასდროს ჰქონია საბავშვო ბაღი. ახალი დაწესებულების აშენებამ გუდაურში დამატებითი სამუშაო ადგილების შექმნაც გამოიწვია“, - ნათქვამია მერიის განცხადებაში.

ამავე ცნობით, საბავშო ბაღის მშენებლობა ადგილობრივი ბიუჯეტიდან 837 000 ლარით დაფინანსდა, თუმცა მოგვიანებით დამატებით რეგიონში განსახორციელებლი პროექტების ფონდიდან 223 000 ლარი გამოიყო, რაც დაწესებულებამდე მისასვლელი გზის მოასფალტებასა და ეზოს მოწყობას მოხმარდა.

დასრულებლი მშენელობა მცხეთა-მთიანეთის მაჟორიტარმა დეპუტატმა შალვა კერესელიძემ, რეგიონის რწმუნებულის მოვალეობის შემსრულებელთან მანანა ნარიმანიძესთან, ყაზბეგის მუნიციპალიტეტის მერთან ალექსანდრე ზაგაშვილთან და თვითმმართველობის სხვა წარმომადგენლებთან ერთად დაათვალიერა.