ქალაქ გურჯაანის წყლისა და წყალარინების ინფრასტრუქტურის რეაბილიტაციაზე ტენდერი გამოცხადდა
1603094865
გაერთიანებული წყალმომარაგების კომპანია რეგიონებშიო წყლისა და კანალიზაციის ინფრასტრუქტურის მოწესრიგებას აქტიურად განაგრძობს. ინფორმაციას რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიის წარმომადგენელი ავრცელებს.
„ამჯერად, ტენდერი გამოცხადდა ქალაქ გურჯაანის წყლისა და წყალარინების სისტემების რეაბილიტაციის საპროექტო-სამშენებლო სამუშაოებზე.
ტენდერში მონაწილეობის მსურველთათვის წინადედბის მიღება 26 ოქტომბრამდე გაგრძელდება. პროექტის სავარაუდო ღირებულება 4,3 მილიონ ლარზე მეტია.
ტენდერში გამარჯვებულმა კომპანიამ სამუშაოები 18 თვეში უნდა დაასრულოს. ქალქ გურჯაანის მოსახლეობა უწყვეტი წყალმომარაგებით სარგებლობს. თუმცა, ზოგიერთ უბანზე არსებული მოძველებული მილების გამო ხშირია დაზიანებები, რაც მოსახლეობისთვის წყალმომარაგების შეზღუდვას განაპირობებს.
დაგეგმილი სამუშაოების შედეგად ამორტიზებული მონაკვეთი ახალი მილებით ჩანაცვლდება და აღმოიფხვრება წყალმომარაგების შეფერხების პრობლემა“, - აღნიშნულია გავრცელებულ ინფორმაციაში.
არსებული ინფორმაციის თანახმად, ქალაქში არსებული წყალარინების სისტემა რეაბილიტაციას საჭიროებს, ზოგიერთ დასახლებაში კი კანალიზაციის ქსელი არ არსებობს.
დაგეგმილი სამუშაოები ფარგლებში, ქალაქის მასშტაბით მოეწყობა წყალარინების თანამედროვე ინფრასტრუქტურა, რის შემდეგაც 8 000-ზე მეტი ადგილობრივი კანალიზაციის გამართული ქსელით ისარგებლებს.
