ქობულეთის მუნიციპალიტეტში საგზაო ინფრასტრუქტურული პროექტები შეუფერხებლად მიმდინარეობს. შიდა სასოფლო მნიშვნელობის გზაზე ხუცუბანი-მჟავანძეები-მახარაძეები-ბოხვაურის მიმართულებით ბეტონის საფარი დაიგო.
აღნიშნულ სოფელში მცხოვრები თხუთმეტამდე ოჯახი განახლებული გზით ისარგებლებს. ქობულეთში ეტაპობრივად ბეტონის საფარი სხვა სოფლებშიც დაიგება, რისთვისაც მიმდინარე წელს აჭარის საავტომობილო გზების დეპარტამენტიდან 1 300 222 ლარია გამოყოფილი.