მაღალმთიან აჭარაში სტიქიის სალიკვიდაციო სამუშაოები აქტიურად მიმდინარეობს
1610533893
ქედის, შუახევისა და ხულოს მუნიციპალიტეტებში ყველა ძირითად მიმართულებაზე სტიქიის სალიკვიდაციო სამუშაოები დასრულებულია და საავტომობილო მიმოსვლა აღდგენილია, - ამის შესახებ ინფორმაციას აჭარის მთავრობის პრესსამსახური ავრცელებს
მათი თქმით, აჭარის საავტომობილო გზების დეპარტამენტის მიერ ინტენსიურ რეჟიმში ხორციელდება გაწმენდითი სამუშაოები.
პრესსამსახურის ცნობით, ხულოს მუნიციპალიტეტში დიდაჭარა-საციხური-გელაურის საავტომობილო გზის დაზიანებული სავალი ნაწილის აღდგენითი სამუშაოები აქტიურად მიმდინარეობს.
ინფორმაციისთვის, ქედის მუნიციპალიტეტში დაზიანებული წონიარისის ხიდის შესწავლა საპროექტო სამსახურის მიერ უკვე განხორციელდა. მოსახლეობა ამ ეტაპზე შემოვლითი გზით სარგებლობს.
