მცხეთაში ხე–ტყის სასაქონლო ზედნადების გარეშე უკანონო ტრანსპორტირების ფაქტები გამოავლინეს
1605872810
ფინანსთა სამინისტროს შემოსავლების სამსახურის თანამშრომლებმა ხე–ტყის სასაქონლო ზედნადების გარეშე უკანონო ტრანსპორტირების ფაქტები გამოავლინეს. ინფორმაციას ფინანსთა სამინისტროს შემოსავლების სამსახურის წარმომადგენელი ავრცელებს.
„20 ნოემბერს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს აღმოსავლეთის განყოფილების თანამშრომლების მიერ, მცხეთის რაიონის სოფელ ნატახტარში, განხორციელებული სასაქონლო ზედნადებების მონიტორინგის მიზნით, გატარებული ღონისძიების შედეგად, სამეწარმეო საქმიანობისთვის განკუთვნილი საქონლის სასაქონლო ზედნადების გარეშე - ჯამში, 45 კბ.მ ხე–ტყის (პირველადი გადამუშავების პროდუქტის, დახერხილი ხის მასალა) ტრანსპორტირების 2 ფაქტი გამოვლინდა“, - აღნიშნულია გავრცელებულ ინფორმაციაში.
საქართველოს საგადასახადო კოდექსის 286-ე მუხლის 32 ნაწილის შესაბამისად, სამართალდამრღვევ პირებს შეეფარდათ ფულადი ჯარიმა 10 000 (ათი ათასი) ლარის ოდენობით და აღნიშნული საქონელი ჩამოერთვათ.
