ოკუპაციის დღესთან დაკავშირებით ყვარლის მუნიციპალიტეტის მერიის ინიციატივით და მთავარი ბიბლიოთეკის მხარდაჭერით ონლაინ შეხვედრა გაიმართა თემაზე - საბჭოთა ოკუპაციის 100 წელი, - ამის შესახებ ინფორმაციას ყვარლის მუნიციპალიტეტი ავრცელებს.
მუნიციპალიტეტის ცნობით, ახალგაზრდებთან საბჭოთა ოკუპაციის შესახებ ისაუბრა ყვარლის მე-2 საჯარო სკოლის პედაგოგმა ელისო ბუშელაშვილმა და მერიის წარმომადგენელმა საბიბლიოთეკო საქმის კოორდინაციისა და არაფორმალური განათლების საკითხებში ნათია ოსეფაშვილმა.
1921 წლის 25 თებერვალს თბილისში მე-11 არმია შეიჭრა და საქართველო საბჭოთა სოციალისტურ რესპუბლიკად გამოაცხადა.
საქართველოს დემოკრატიული რესპუბლიკის ოკუპაციის თარიღთან დაკავშირებით მუნიციპალიტეტის მასშტაბით ყველა ადმინისტრაციულ შენობაზე სახელმწიფო დროშა დაშვებულია.