ზესტაფონში ადგილობრივი მოსახლეობა ქალაქის 3 მთავარი ქუჩის რეაბილიტაციის პროცესის გაჭიანურებას აპროტესტებს.
მათი თქმით, რეაბილიტაციის სამუშაოები 6 თვეა დაწყებულია, თუმცა ქუჩები დღემდე გადათხრილია, რის გამოც ტრანსპორტს გადაადგილება უჭირს.
მოქალაქეების განცხადებით, ფაქტობრივად, პარალიზებულია ბაზრობებთან მისასვლელი გზა, პრობლემა ექმნება სასწრაფო-სამედიცინო ბრიგადების მანქანებსაც და ისინი გამოძახებაზე დროულად ვერ მიდიან.
მოსახლეობა ადგილობრივი ხელისუფლებისგან პრობლემის მაქსიმალურად სწრაფად გადაჭრას ითხოვს. მათი თქმით, კომპანია, რომელიც რეაბილიტაციას ახორციელებს, სამუშაოების დასრულებისთვის კიდევ 4 თვეს ითხოვს.