„ალტ-ინფოს“ დამფუძნებელი ზურაბ მახარაძე გამოკითხვაზე გადაიყვანეს
1626421608
„ალტ-ინფოს“ ერთ-ერთი დამფუძნებელი ზურაბ მახარაძე პოლიციის განყოფილებაში გამოკითხვაზე გადაიყვანეს.
ამასთან, ჩხრეკა მიმდინარეობს მახარაძის, კონსტანტინე მორგოშიას და გურამ ფალავანდიშვილის სახლში.
საინფორმაციო სააგენტო Pia.ge-ს შინაგან საქმეთა სამინისტროში განუცხადეს, რომ სხვადასხვა მისამართებზე მიმდინარეობს და ჩატარდა საგამოძიებო მოქმედებები.
ინფორმაცისთვის, 5-6 ივლისს თბილისში რადიკალური ჯგუფების წარმომადგენლები, რომლებიც „თბილისი პრაიდის“ კონტრაქციას მართავდნენ, არასამთავრობო ორგანიზაციების წევრებსა და ჟურნალისტებს ფიზიკურად გაუსწორდნენ.
11 ივლისს, გამთენიისას ტელეკომპანია „პირველის“ ოპერატორი ლექსო ლაშქარავა, რომელსაც 5 ივლისს ფიზიკურად გაუსწორდნენ, დედამ საწოლში გარდაცვლილი იპოვა.
შინაგან საქმეთა სამინისტროს განცხადებით, ექსპერტიზის შუალედური დასკვნით, შესაძლებელია ითქვას, რომ ლექსო ლაშქარავა ნარკოტიკული საშუალებების ზედოზირებით დაიღუპა.
ამავე თემაზე:
🔴 გურამ ფალავანდიშვილის და „ალტ-ინფოს“ დამფუძნებლების სახლებში ჩხრეკა მიმდინარეობს
🔴 „გეი პრაიდი კი არა, ვერანაირი სექსუალური ორიენტაციის ადამიანები ვერ გამოვლენ“ - კონსტანტინე მორგოშია
