აჭარაში ზღვაში გაუჩინარებულ ორ მამაკაცს ეძებენ. ერთი ქობულეთის, მეორე კი კვარიათის სანაპიროზე იძებნება.
როგორც საინფორმაციო სააგენტო Pia.ge-ს საგანგებო სიტუაციების მართვის სამსახურში განუცხადეს, სამაშველო ღონისძიებაში ორივე ლოკაციაზე საგანგებო სიტუაციის მართვის სამსახური დაუყოვნებლივ ჩაერთო.
სამძებრო- სამაშველო ღონისძიებაში მონაწილეობს 30 კაცამდე მეხანძრე-მაშველი, მათ შორის 7 მყვინთავი, 2 კატარღა, კვადროციკლი და დრონები.
ადგილზე მობილიზებულია სასწრაფო დახმარების ბრიგადა.
სხვა დეტალები ამ დროისთვის უცნობია.