სამართალი

პროკურატურაში HELP-ის სასწავლო კურსის გახსნის ღონისძიება გაიმართა

პროკურატურაში HELP-ის
სასწავლო კურსის გახსნის
ღონისძიება გაიმართა
1632295230
დაკოპირებულია

საქართველოს გენერალურ პროკურატურაში, საქართველოს პროკურატურის და ევროპის საბჭოს თანამშრომლობის ფარგლებში, HELP-ის სასწავლო კურსის - „სიძულვილით მოტივირებული დანაშაული და სიძულვილის ენა“ ონლაინ-ღონისძიება გაიმართა. ამის შესახებ ინფორმაციას პროკურატურა ავრცელებს.

უწყების ცნობით, ღონისძიებას საქართველოს გენერალური პროკურორის მოადგილე ნათია მერებაშვილი, ევროპის საბჭოს ოფისის ხელმძღვანელი ნატალია ვუტოვა, საქართველოს გენერალური პროკურატურის ადამიანის უფლებათა დაცვის სამმართველოს უფროსი სალომე შენგელია, შინაგან საქმეთა მინისტრის მოადგილე ალექსანდრე დარახველიძე, იუსტიციის უმაღლესი სკოლის დირექტორი ვანო ბოლქვაძე და ასევე, პროკურატურის და ევროპის საბჭოს წარმომადგენლები ესწრებოდნენ.

„ღონისძიება ევროპის საბჭოს ოფისის ხელმძღვანელმა ნატალია ვუტოვამ გახსნა, რომელმაც საქართველოს პროკურატურის და ევროპის საბჭოს ერთობლივი ღონისძიებების მნიშვნელობაზე და სიძულვილის ენისა და სიძულვილით მოტივირებულ დანაშაულებთან ბრძოლის წინააღმდეგ პროფესიონალების საერთო ძალისხმევაზე ისაუბრა.

საქართველოს გენერალური პროკურორის მოადგილემ ნათია მერებაშვილმა HELP-ის სასწავლო კურსის ონლაინ-ღონისძიებაზე მოსამართლეების, პროკურორების და გამომძიებლების ერთობლივი სასწავლო კურსის როლზე ისაუბრა და აღნიშნა, რომ მნიშვნელოვანია პროფესიონალებს ჰქონდეთ საერთო ხედვა აღნიშნული კატეგორიის სისხლის სამართლის საქმეებზე.

ერთობლივი ფორმატის სასწავლო კურსი უკვე მეორედ ტარდება. პირველი სასწავლო კურსი ,,სიძულვილით მოტივირებული დანაშაულის ეფექტიანი გამოძიების, სისხლისსამართლებრივი დევნის და სასამართლო გადაწყვეტილების გამოტანის უნარ-ჩვევები“ საპილოტე კურსს წარმოადგენდა და 2019 წელს პირველად საქართველოში დაინერგა. აღნიშნული კურსი გამომძიებლებმა, პროკურორებმა და მოსამართლეებმა წარმატებით გაიარეს, ხოლო ახლანდელი სასწავლო კურსი - „სიძულვილით მოტივირებული დანაშაული და სიძულვილის ენა“ თეორიულ სასწავლო კურსს წარმოადგენს და პირველი პრაქტიკული კურსის გაგრძელებაა“, - ნათქვამია ინფორმაციაში.

როგორც პროკურატურის მიერ გავრცელებულ მასალაშია ცნობილი, სასწავლო კურსი ორ ნაწილს მოიცავს. პირველ ნაწილში მონაწილეები სიძულვილის ენის საერთაშორისო სტანდარტებს, ხოლო მეორე ნაწილში - უშუალოდ სიძულვილით მოტივირებული დანაშაულების გამოძიების, სისხლისსამართლებრივი დევნის და სასამართლო გადაწყვეტილების გამოტანის საკანონმდებლო ჩარჩოს, საერთაშორისო ინსტრუმენტებს და ევროპის საბჭოს საერთაშორისო ექსპერტების მიერ მომზადებულ მასალებს გაეცნობიან.

„სასწავლო კურსში მონაწილეობას 25 სპეციალიზებული პროკურორი, 27 მოსამართლე და 25 გამომძიებელი მიიღებს. კურსი 3 თვის მანძილზე გაგრძელდება და მას ხელმძღვანელობას ტუტორები გაუწევენ.

ბოლო წლებია სიძულვილით მოტივირებულ დანაშაულთან ბრძოლა საქართველოს პროკურატურისთვის პრიორიტეტს წარმოადგენს. ამჟამად, სპეციალიზებულია 133 პროკურორი და პროკურატურის გამომძიებელი.

საქართველო ევროპის საბჭოს „HELP“-ის პლატფორმის წარმატებული ქვეყნების სიაშია და აღნიშნულ პროცესში საქართველოს პროკურატურამ მნიშვნელოვანი წვლილი შეიტანა. 2016 წელს HELP-ის პირველი სასწავლო კურსი სწორედ ანტიდისკრიმინაციის თემაზე ჩატარდა, მას შემდეგ პროკურატურაში სხვადასხვა თემატიკაზე HELP-ის 9 სასწავლო კურსი წარმატებით განხორციელდა და 180-მდე პროკურორი გადამზადდა.

სპეციალიზაციის სასწავლო კურსების და HELP-ის ტრენინგების შედეგია ბოლო წლებში სისხლისსამართლებრივი დევნის გაზრდილი მაჩვენებელი, პროკურორთა სენსიტიური დამოკიდებულება და სპეციფიკური საჭიროებების გათვალისწინება შეუწყნარებლობის მოტივით ჩადენილი დანაშაულების შედეგად დაზარალებულების მიმართ. ამ მიმართულებით სპეციალიზაციის სასწავლო კურსები და სპეციალიზებული პროფესიონალების შემდგომი კვალიფიკაციის ამაღლების პროცესი მომავალშიც აქტიურად გაგრძელდება“, - აღნიშნულია ინფორმაციაში.

სახალხო დამცველი

„ხელისუფლება სააკაშვილის ჯანმრთელობის მდ...

სახალხო დამცველის ნინო ლომჯარიას განცხადებით, ხელისუფლება პატიმრობაში მყოფი მესამე პრეზიდენტის მიხეილ სააკაშვილის ჯანმრთელობის მდგომარეობაზე პასუხისმგებლობას ვერ გაექცევა.

„არ მაინტერესებს ოპონენტის გეგმები, ჩემთვის მნიშვნელოვანია თბილისელებს ავუხსნა, როგორ ვგეგმავ თბილისის განვითარებას. ხვალიდან დავიწყებ აქტიურ წინასაარჩევნო კამპანიას“,- ამის შესახებ „ქართული ოცნების“ თბილისის მერობის კანდიდატმა კახა კალაძემ ჟურნალისტებს განუცხადა.

1634487065

„სააკაშვილი იმყოფება იქ, სადაც უნდა იყოს“, - ამის შესახებ თბილისის მერმა კახა კალაძემ ჟურნალისტებთან განაცხადა.

1634486513

პატრიარქის თანამოსაყდრემ მეუფე შიომ საკვირაო ქადაგებაზე საყოველთაო შერიგების იდეასთან დაკავშირებით ისაუბრა.

1634485859

პარტია „ქართული ოცნების“ საზოგადოებასთან ურთიერთობის მდივანი შალვა პაპუაშვილი მესამე პრეზიდენტის მიხეილ სააკაშვილის პატიმრობასთან დაკავშირებით „ნაციონალური მოძრაობის“ პროტესტს აფასებს.

1634482770
დაპირისპირება ეთერში

„შენ, ნიკა მელიამ და სააკაშვილმა დათხარეთ თვა...

ჟურნალისტმა ირაკლი წულაიამ სატელევიზიო ეთერში „ნაციონალური მოძრაობა“ გააკრიტიკა და 20 ივნისის მოვლენებში მთავარ დამნაშავედ მოიხსენია.

გიორგი ხანიშვილი იმერეთში აზიურ ფაროსანა...

იმერეთში სახელმწიფო რწმუნებულ ზვიად შალამბერიძესთან გამართულ სამუშაო შეხვედრაზე მავნებელთან ბრძოლის ღონისძიებები შეაჯამეს. ამის შესახებ ინფორმაციას გარემოს დაცვისა და სოფლის მეურნეობის სამინისტროს ავრცელებს.

ირაკლი ღარიბაშვილი: ჩვენი გადაწყვეტილები...

„ჩვენი გადაწყვეტილებით, ვეტერანთა ყოველთვიური დანამატი იანვრიდან 5-ჯერ გაიზრდება“, - ამის შესახებ პრემიერ-მინისტრმა ირაკლი ღარიბაშვილმა ვეტერანთა დღისადმი მიძღვნილ ღონისძიებაზე სიტყვით გამოსვლისას განაცხადა.

გარემოს ეროვნული სააგენტო მოსახლეობას აფ...

გარემოს ეროვნული სააგენტო ამინდის გაუარესების შესახებ მოსახლეობას აფრთხილებს.