თელავის ცენტრალური საავადმყოფოს დირექტორის მკვლელობის ბრალდებით დაკავებულ ყოფილ სამართალდამცველს ვანო ზანდარაშვილს 12 წლიანი პატიმრობა მიესაჯა.
აღნიშნული გადაწყვეტილება თელავის რაიონული სასამართლოს მოსამართლემ გრიგოლ ვატიტაძემ გამოაცხადა. 11-დან რვა ნაფიცმა მსაჯულმა ზანდარაშვილი დამნაშავედ ცნო.
ზანდარაშვილმა სასამართლო პროცესზე განაცხადა, რომ ის აფექტის მდგომარეობაში იყო.
„ვერ ვაცნობიერებდი, გაუცნობიერებლად ვმოქმედებდი. არ მგონია ვინმეს კითხვის ნიშანი გაუჩნდეს, რომ განზრახ მკვლელობა ჩავიდინე“, - აღნიშნა ზანდარაშვილმა.
ინფორმაციისთვის, თელავის მუნიციპალიტეტის სოფელ იყალთოში 2020 წლის 26 დეკემბერს თელავის ცენტრალური საავადმყოფოს დირექტორი, ზურა საჩიშვილი მოკლეს.