მაშველები მტკვარში კაცს ეძებენ
1627921687
თბილისში, გალაკტიონის ხიდის მიმდებარე ტერიტორიაზე სამაშველო ოპერაცია მიმდინარეობს. ამის შესახებ საინფორმაციო სააგენტო Pia.ge-ს ადგილიდან აცნობეს.
არსებული ინფორმაციით, მტკვარში კაცს ეძებენ.
როგორც Pia.ge-ს საგანგებო სიტუაციების მართვის სამსახურში განუცხადეს, ადგილზე მუშაობს 20-მდე მეხანძრე მაშველი, ოპერაციაში ჩართულები არიან მყვინთავები, ადგილზე მობილიზებულია სასწრაფო-სამედიცინო ბრიგადები და საპატრულო პოლიციის ეკიპაჟები.
ამ ეტაპზე უცნობია დამატებითი დეტალები.
