მეუფე იაკობი გახარიაზე: რატომ უნდა მობრუნდეს, რა გაუკეთებია, ისევ სრული „ლოქდაუნი“ გინდათ?
1623314564
ბოდბელი მიტროპოლიტის მეუფე იაკობის განცხადებით, ყოფილი პრემიერი გიორგი გახარია ბიძინა ივანიშვილი პროექტი არ არის.
ამასთანავე მეუფე გიორგი გახარიას აკრიტიკებს და ამბობს, რომ ის ეკლესიის საქმეებში პირდაპირ ერეოდა, ქვეყნისთვის კი მნიშვნელოვანი არაფერი აქვს გაკეთებული.
„გახარია არ არის ბიძინა ივანიშვილის პროექტი. ვთქვი ერთხელ უკვე და ძალიან ზედმეტ პატივად მიმაჩნია მასზე ბევრი ვილაპარაკო. თქვენ იცით ჩემი წარმოდგენა. ეკლესიას ისე ექცეოდა, როგორ უნდა მობრუნდეს. ადამიანი, რომელიც შსს და პრემიერ მინისტრი იყო, ეკლესიის საქმეში პირდაპირ ერეოდა.
რაც ვთქვი, ყველაფერს ვადასტურებ. ხომ იძახდით ნასვამმა თქვაო, ახლა ნასვამი ვარ? უბრალოდ მძიმე მდგომარეობაში იყო სახელმწიფო და რაღაცები იმიტომ არ გავაკეთე. ახლა როგორ გგონიათ, ტელევიზიებს, რომ აპიარებთ, ვინ უნდა მისცეს ხმა? გადახედეთ ვინ უდგას გვერდში. ან თვითონ რა გაუკეთებია. „ლოქდაუნი“ გინდათ კიდევ, სრული „ლოქდაუნი“? თუ გინდათ, სხვასც შეუძლია ეგ და მითხარით, რა აქვს გაკეთებული?
ამათი შეცდომა ის იყო, რომ პიარი უკეთეს, მენეჯერი, მენეჯერი. კრიზისმენეჯერი კი არა, მე გეუბნებით, რომ კრიზისმეიკერია“, - აღნიშნა მეუფე იაკობმა.
შეგახსენებთ, რომ ყოფილმა პრემიერმა თანამდებობა 18 თებერვალს დატოვა.
მან პარტია „საქართველოსთვის“ დააფუძნა და ყველა მომდევნო არჩევნებში მონაწილეობას გეგმავს.
